Popular Bible Verses from San Lucas 1

Share

Saa chi nda iin ya köo ndíchi nuu Ndioxi ―káchi tatun Ndioxi xiꞌin yá.

Ta saa ndi̱kaꞌan yá xiꞌin tatun Ndioxi, káchi yá saa: ―Moso ku i nuu Iva yo, ta vaꞌa ná ikan ra ya kúni mií ra xiꞌin i, tá íyo ya ndi̱kaꞌan un xiꞌin i saa ná koo ya ikan ra ―káchi yá xiꞌin tatun Ndioxi. Saa ndi̱ko koo ya kuaꞌan ya.

Saa ndi̱kuiin tatun Ndioxi, káchi ya saa: ―Käka ini un chi mií Tachi I̱í Ndioxi ku ya kixi sata un, tá káa vikó saa koo ndee Ndioxi ra Chee ni kixi ya ndikasi ya yóꞌo̱, ñaa kee mií seꞌe un. Yakan kua koo ra, ra i̱í, saa kunani ra Seꞌe Ndioxi.

¡Ta yóꞌo̱, vaꞌa ni kée un chi ka̱ndixa un tuꞌun ya ndi̱kaꞌan Ndioxi xiꞌin un, ta vitin ndátun un sixinu ra ya ndi̱kaꞌan ra xiꞌin un! ―káchi yá Elisabet xiꞌin yá María.

Ta vitin kee seꞌe un, kaku iin seꞌe un, taa loꞌo koo ra kaku. Ta chinuu un kivi ra kunani ra Jesús. Chi Seꞌe Ndioxi koo ra, ndee ni taa kuu mií ra. Saa kaꞌan na xiꞌin ra: Seꞌe Ndioxi ra kaꞌnu kachi na xiꞌin ra. Chi mií Iva yo Ndioxi ndasa kaꞌnu ni seꞌe un, ta nduu ra rey tá ndi̱xiyo xii sikua ra David saa koo ra. Kuniꞌi ra ichí kaꞌnda chiñu ra nuu ndiꞌi na Israel. Nda iin kivi ndïꞌi xaꞌa chiñu ya kuu mií ra ―káchi tatun Ndioxi xiꞌin yá.

Ta saa ndi̱kaꞌan ya xiꞌin yá, káchi ya saa: ―María, ku ïꞌvi un xaꞌa ya ndi̱kaꞌan i xiꞌin un, saa chi yóꞌo̱ ta ndi̱taꞌan un ya vaꞌa nuu Ndioxi.