Popular Bible Verses from San Lucas 12

Share

Saa tu ndóꞌo̱ va, kundoo tuꞌva ndo kundatun ndo yeꞌe kúu Taa ra xa̱a ñuu ivi yóꞌó, chi iin naá ini ndo ndiko koo i iin kivi ―káchi Jesús xiꞌin na.

Ta vaꞌa ndikundee ni ndo nduku ndo ichí nuu xáꞌnda chiñu Ndioxi, saa kua taxi ndiꞌi ra ñaꞌa ya kúmani nuu ndo ndaꞌa ndo ―káchi Jesús xiꞌin nda ítaꞌan xiꞌin ra.

Ta saa ndi̱kaꞌan ra xiꞌin na ndóo ikán, káchi ra saa: ―Kuenta ni koo ndo, kütoo ndo koo kuaꞌa ni ñaꞌa ndo, saa chi süvi xaꞌa ya íyo kuaꞌa ni ñaꞌa nuu naꞌa kua kuchiñu na kutaku na ―káchi ra xiꞌin na.

Chi nuu chívaꞌa ndo ñaꞌa ya kúu mií ndo, ikán koo tu nima va ndo ―káchi Jesús xiꞌin nda.

Vani ndinuni ná kundiꞌi ini ndo, ¿unkua niꞌi vi ndo xaꞌa ya ndíꞌi ni ini ndo ya kúni ni ndo kuaꞌnu súkun ka ndo?

Sindiꞌi ikán ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Kündiꞌi ini ndo xaꞌa ya kutaku ndo, ni ya kuxi ndo, ni xaꞌa tikoto kundixi ndo, kündiꞌi ini ndo.

Saa tu ndóꞌo̱ va, ndáa yaꞌvi ni ka ndóꞌo̱ nuu Ndioxi chi nda ixi xiní ndo ta xíni ra ndisaa ku ya. Yakan köo xíniñuꞌu ndo ku iꞌvi ndo, saa chi ndáa yaꞌvi ni ka ndóꞌo̱ va nuu sàà vali ―káchi Jesús xiꞌin na.

Saa ndi̱kaꞌan ka Jesús, káchi ra saa: ―Ndóꞌo̱ ndíkun sata i ta ku ïꞌvi ndo chi tá íyo iin tiꞌvi levo vali sana i saa íin ndo. Ta kúsini ni va Ndioxi taxi ra koo ndo xiꞌin ra nuu xáꞌnda chiñu ra.

Koto ndo ndá kuꞌva íyo tikaka, ni köo chíꞌi ri, ni köo síkee ri, ta ni köo yaka ri nuu ndúvaꞌa ñaꞌa ri, ta saa ni xíxi ri chi suvi Ndioxi ku ra táxi ñaꞌa xíxi ri. Ta saa ndóꞌo̱, chi ndáa yaꞌvi ni ka ndóꞌo̱ va nuu kiti sàà.

Kündiꞌi ini ndo xaꞌa ñaꞌa kuxi ndo án nduta koꞌo ndo án ndá ka ñaꞌa xíniñuꞌu ndo, kündiꞌi ini ndo xaꞌa nda iin ya.

Ta Ndioxi ku ra síkundixi ita ikán, vani loꞌo ni va kivi íyo ya, chi sava ya iin kivi ndíndika ya ta inka kivi xa ndóko ndiꞌi va ya, saa kuakee ya xíxi ya. Ndisaa ka vi ndóꞌo̱, sikundixi ra ndóꞌo̱. Ta ¿ndachu loꞌo ni ndáa ini ndo ra?

Ta ndiꞌi ñaꞌa ya íyo sêꞌe ta küvi koo sêꞌe ya ndiꞌi saa kivi, sundi vaxi kivi ta ndituvi ndiꞌi xaꞌa ya. Nda iin ya köo sêꞌe nuu naꞌa, ndituvi ndiꞌi ya nuu na kuni na.