Popular Bible Verses from San Juan 14

Share

’Táxi i tuꞌun vaꞌa ndaꞌa ndo ya koo vaꞌa ni ini ndo, ta köo táxi i ya tá kuꞌva táxi na ñuu ivi yoꞌo ya, síndoo i tuꞌun vaꞌa yóꞌó ya koo ya xiꞌin ndo. Ta ya táxi i koo vaꞌa ini ndo, ta süvi taꞌan ya táxi na ñuu ivi yóꞌó kua. Ta ku ïꞌvi ndo, ni kündiꞌi ini ndo.

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

Saa ndi̱kaꞌan Jesús xiꞌin nda ítaꞌan xiꞌin ra káchi ra saa: ―Kündiꞌi ini ndo. Kandixa ndo Ndioxi ta kandixa ndo yeꞌe.

Sundi Tachi I̱í ya tiꞌvi Iva i kixi Sindiko ya ini ndo, ta tixin kivi yeꞌe kua kixi ya chindee ya ndóꞌo. Saa sinaꞌa ndiꞌi ya ndóꞌo̱, ta sindikaꞌán ya ini ndo xaꞌa ndiꞌi tuꞌun ya ndi̱kaꞌan i xiꞌin ndo.

Na xíni soꞌo ya xáꞌnda chiñu i ta xáa súvi na ya káꞌan i, na ikán ku na ndixa kúꞌvi ini xíni yeꞌe. Ndiꞌi na kúꞌvi ini xíni yeꞌe ta kuꞌvi ini Iva i kuni ra na, ta saa tu yeꞌe va kuꞌvi ini i kuni i na, ta situvi i mií i nuu na ―káchi Jesús xiꞌin nda.

Ta yeꞌe nduku i ya mani nuu Iva i, ya ná tiꞌvi ra Tachi ra koo ya xiꞌin ndo Sindiko ya ini ndo, ta koo ya xiꞌin ndo ndiꞌi saa ichí. Ta ya ikán ku Tachi Ndioxi ya sinaꞌa ndóꞌo̱ xaꞌa ya ndaa. Ta na köo ndíkun yeꞌe ta küvi ndikiꞌin na ya koo ya xiꞌin na, chi köo xíni na ya, ta ni küchiñu na kuni xiꞌin nuu na ya. Sundi ndóꞌo̱ ndíkun yeꞌe ta xíni ndo ya, ta íyo ya xiꞌin ndo, saa koo ya xiꞌin ndo ndiꞌi saa ichí.

Ta ndiꞌi ya ndúku ndo nuu Iva i Ndioxi xiꞌin kivi i, ta xaa súvi i ya xiꞌin ndo. Xaꞌa ya ikan i xiꞌin ndo kua ndikunuu vaꞌa ni ya toꞌo Iva i Ndioxi tixin yeꞌe kúu Seꞌe ra. Tá ndá ya ndúku ndo xiꞌin kivi i, ta xaa súvi i ya xiꞌin ndo.

’Tá tu kúꞌvi ini ndo xíni ndo yeꞌe, ta xaa súvi ndo ya káꞌan i xiꞌin ndo.

Veꞌe Iva i, ta íyo kuaꞌa ni nuu koo ndo. Tá tu süvi ya ndaa kua ta käꞌan i saa xiꞌin ndo, ndikuu. Ta vitin kuꞌun i xaa vií i nuu koo ndo.

Tá tu ná kuꞌun i xa̱a vií i nuu koo ndo saa ndiko koo i ndikuiso i ndóꞌo̱, kuꞌun ndo koo ndo xiꞌin i nuu koo i.

Saa ndi̱kuiin ra Tomás káꞌan ra xiꞌin Jesús, káchi ra saa: ―Tata, köo xíni nde nuu kuꞌun un, ta ¿unkua ikan nde kundaa ini nde ichí nuu kuꞌun un? ―káchi ra xiꞌin ra.