Popular Bible Verses from San Juan 13

Share

Ta ya yóꞌó ku iin chiñu xa̱á sindoo i ndaꞌa ndo: Kuꞌvi ni ini ndo kuni taꞌan ndo, tá kuꞌva kúꞌvi ini i xíni i ndóꞌo̱, ta kuꞌva saa kuꞌvi ni tu ini ndóꞌo̱ va kuni taꞌan ndo. Tá tu kúꞌvi ni ini ndo xíni taꞌan ndo, ta saa kuni ndiꞌi naꞌa ya ítaꞌan ndo xiꞌin i ―káchi ra xiꞌin nda.

Tá tu yeꞌe ku Maestro ndo tin ra kaꞌnu nuu ndo, ta ndi̱kata i xaꞌa ndo. Ta saa ndóꞌo̱, saa xíniñuꞌu ndo ndikata ndo xaꞌa taꞌan ndo. Tá kuꞌva i̱kan i xiꞌin ndo, saa xíniñuꞌu ndo xaa súvi ndo xiꞌin taꞌan ndo.

Saa ndi̱kuiin Jesús ndi̱kaꞌan ra, káchi ra saa: ―Ya íkan i xiꞌin un vitin, ta köo kúndaa ini un unkua kúni kachi ya, sundi sindiꞌi saa kundaa ini un xaꞌa ya ―káchi Jesús xiꞌin ra.

Ya ndixa ni kua káꞌan i xiꞌin ndo: Ra xáa chiñu nuu xitoꞌo ra, ta köo chee ka ra ikán nuu xitoꞌo ra. Ni iin ra xíka chiñu, ta köo chee ka ra ikán nuu ra ti̱ꞌvi ñaꞌa.

Tá tu kúndaa ini ndo tuꞌun yóꞌó ta xáa súvi ndo ya, ta vaꞌa ni kée ndo tá tu íkan ndo saa.

Saa ndóo na xíxini na, ta ndi̱kundichi Jesús ta̱va ra toto ya súkun ra, saa ki̱ꞌin ra iin toalla ka̱tun ra toko ra. Saa ki̱ꞌin ra tikuii ta̱an ra ini iin ñaꞌa, ñaa xa̱á ra ndíkata ra xaꞌa nda ítaꞌan xiꞌin ra, ta síichi ra ya xiꞌin toalla, ya ka̱tun ra toko ra.