Popular Bible Verses from San Juan 11

Share

Saa ndi̱kaꞌan Jesús xiꞌin yá, káchi ra saa: ―Yeꞌe ku ra sínditaku naꞌa, ta yeꞌe ku ra táxi kutaku na. Ndiꞌi na kándixa yeꞌe vani xa ndi̱xiꞌi na, ta taxi i kutaku na. Tá kúu ndiꞌi na táku, tá tu kándixa na yeꞌe ta nda iin kivi ndïꞌi xaꞌa na. ¿Án kándixa un ya káꞌan i xiꞌin un? ―káchi Jesús xiꞌin yá.

Saa ndi̱kaꞌan Jesús xiꞌin yá, káchi ra saa: ―¿Án su xa ndi̱kaꞌan i xiꞌin un, tá tu kándixa un, ta kuni un ya vaꞌa ikan Ndioxi, káchi i xiꞌin un? ―káchi ra xiꞌin yá.

Saa xa̱á Jesús xáku ra.

Tá xi̱ni soꞌo Jesús tuꞌun ikán ta ndi̱kaꞌan ra, káchi ra saa: ―Kueꞌe ndóꞌo ra, ta süvi ya kuvi ra xiꞌin kua. Ya ndikunuu vaꞌa toꞌo Ndioxi va kua, chi kuni naꞌa ta saa xaa kaꞌnu na Ndioxi, saa xaa toꞌo na yeꞌe ra kúu Seꞌe Ndioxi ―káchi ra.

Tá sindiꞌi ndikaꞌan ra tuꞌun ikán, ta saa ndi̱ndaꞌi koꞌo ra, káchi ra saa: ―¡Lázaro, naꞌa keta un keꞌe! ―káchi ra. Saa ke̱ta ra ndi̱xiꞌi, núꞌni ndiꞌi ndaꞌa ra xiꞌin toto, ta saa tu xaꞌa va ra, ta súvi tuun toto nuu ra ke̱ta ra. Saa ndi̱kaꞌan Jesús xiꞌin na, káchi ra saa: ―Ndaxin ndo toto súvi ñaꞌa ta saña ndo ra kuꞌun ra ―káchi Jesús.

Saa ta ku̱suchi ni ini Jesús. Ta ndi̱xaa ra yeꞌe kava nuu ndi̱nduxin ra Lázaro. Ta índuꞌu iin yu̱ú, yuꞌu kava ikán ndási ya.

Ta saa ndi̱kaꞌan ka ra, káchi ra saa: ―Ra kíxi va ku ra migo yo Lázaro yakan kuꞌun i sindikoo i ra ―káchi Jesús.