Popular Bible Verses from San Juan 10

Share

’Ta na kuiꞌna ta vaxi na kúni na sikuiꞌna na ri kaꞌni na ri tin sindiꞌi xaꞌa na ri. Sundi yeꞌe ta vaxi i ya taxi i kutaku na ndíkun yeꞌe, ta yáꞌa ni vaꞌa kundoo ndiꞌi na.

Ta yeꞌe ku paxto ra vaꞌa ni. Chi paxto ra vaꞌa ni ta nda ndítaxi ra mií ra xaꞌa kiti levo sana ra.

Chi levo sana i ta ndíkuni ri tachi i, yakan vaꞌa ndíkundikun ri yeꞌe, ta saa tu yeꞌe va xíni ndiꞌi i ri ikán.

Ta yeꞌe taxi i kutaku ri ndiꞌi saa tiempo, nda iin ichí ndïꞌi xaꞌa ri, ta ni naꞌa ta nda iin na küchiñu kindaa ri ndaꞌa i.

Táꞌan yéꞌé ikán ku yeꞌe, ta ndiꞌi na vaxi nuu i ta sikaku i na. Koo na tá kuꞌva íyo levo, kuakiꞌvi ri tin kána koo ri ini corra ikán, ta níꞌi ri ita xíxi ri.

’Sundi yeꞌe ta ra paxto vaꞌa ni ku i. Xíni vaꞌa i levo sana i, ta saa tu mií va ri xíni vaꞌa ri yeꞌe.

Chi Iva i Ndioxi ku ra ta̱xi ri ndaꞌa i. Ta chee ni ra ikán nuu ndiꞌi na, ta nda iin na küchiñu kindaa ri ndaꞌa Iva i. Yeꞌe xiꞌin Iva i Ndioxi ta iin ku nde ―káchi Jesús xiꞌin na.

Tá kuꞌva xíni Iva i yeꞌe, saa xíni vaꞌa tu mií va i ra ta íyo tuꞌva i kuvi i xaꞌa levo sana i.

Nda iin naꞌa küchiñu kindaa ya táku i ndaꞌa i, chi kúu mií i ichí ya taxi i kutaku i. Chi yeꞌe ta íyo ndee ndaꞌa i ya taxi i mií i kuvi i, ta íyo tu ndee ndaꞌa i ya sitaku i mií va i. Ta ichí yóꞌó kua ta̱xi Iva i ndaꞌa i ―káchi Jesús xiꞌin na.

Saa ndi̱kaꞌan tuku Jesús xiꞌin na, káchi ra saa: ―Ya ndaa káꞌan i xiꞌin ndo: Yeꞌe ku yéꞌé nuu kuakee kiti levo.

Ta iin ra kíꞌin yaꞌvi xaꞌa ya ndáa ra ri, ta süvi sana ra ku ri. Yakan tá xíni ra vaxi kiti ndivaꞌi ta síndoo ndaꞌa ndiꞌi ra ri, saa xínu ra kuaꞌan ra. Ta kiti ndivaꞌi íkan ri ya kúni mií ri xiꞌin levo ikán, saa iin xáta yava taꞌan ndiꞌi ri.

―Ya ndaa káꞌan i xiꞌin ndo, iin taa, ra köo kíꞌvi chí yeꞌe nuu ñúꞌu levo, ra kuakiꞌvi inka ñaꞌñu ta süvi ra vaꞌa ku ra, ra kuiꞌna ku ra.