Popular Bible Verses from Jon 21

Share

Eji bo ma li nsol alehke mal, Jisos kehm bungu tong Saimon Pita re, “Saimon ji mmon a Jon, anv, n kp-a koro sehnge ane bakoa?” Pita kehm faange re, “Ee Ntul, a kpꞌkahne re, a kpo kor-m sehng.” Jisos kehm-e tongo re, “Le abon ejoro ebame!” Jisos kehm-e kpe bahb go nkpel ebal re, “Saimon ji mmon a Jon, anv, n kp-a kora?” Pita kehm-e faange re, “Ee Ntul, a kpꞌkahne re, a kp-m koro.” Jisos kehme tongo re, “Baabe ejoro ebame!” Jisos kehm-e kpe bahb go nkpel era re, “Saimon ji mmon a Jon, anv, n kp-a kora?” Pita atahng kehm-e moongo, tib eji Jisos bahb-e nkpel era re, “N kp-a kora?” Á kehm faange re, “Ntul, a kpꞌkahne ejum ajehng ajehng. A kpꞌkahne re, a kp-m koro.” Jisos kehm-e tongo re, “Le ejoro ebame!

Etingitingi, n kpꞌbungu tong-a re, Ngare nyi a jolo njangkun, a jo gbaange egbaange eja go ebun, jo je edi ajehng ajehng ji kor-a no. Eji a ma kul, a bahke tanne abo enya. Nne nondiki bahk-a gbaange egbaange eja go ebun, ko-a tahm a na go edi ji ki-a kor re wo je.”

Jisos kehm tongo bo re, “Yaken erim ebahne kak alahb go ejang eboblum bi egbang, ḿ bahke bobo nsahre.” Owo bo kehm limi ano. Bo kpeem ma tohng erim bio, tibre nsahre ruru go erim sehng.

Saimon Pita kehm tongo bo re, “N kpꞌtahme nsahre.” Bo kehm-e faange re, “E bahke tob tahm toon-a.” Bo kehm soro tahm, song yel go egbang. Jol ejumjum bo bobem atv mao ona.