Jon 21:15-17

Eji bo ma li nsol alehke mal, Jisos kehm bungu tong Saimon Pita re, “Saimon ji mmon a Jon, anv, n kp-a koro sehnge ane bakoa?” Pita kehm faange re, “Ee Ntul, a kpꞌkahne re, a kpo kor-m sehng.” Jisos kehm-e tongo re, “Le abon ejoro ebame!” Jisos kehm-e kpe bahb go nkpel ebal re, “Saimon ji mmon a Jon, anv, n kp-a kora?” Pita kehm-e faange re, “Ee Ntul, a kpꞌkahne re, a kp-m koro.” Jisos kehme tongo re, “Baabe ejoro ebame!” Jisos kehm-e kpe bahb go nkpel era re, “Saimon ji mmon a Jon, anv, n kp-a kora?” Pita atahng kehm-e moongo, tib eji Jisos bahb-e nkpel era re, “N kp-a kora?” Á kehm faange re, “Ntul, a kpꞌkahne ejum ajehng ajehng. A kpꞌkahne re, a kp-m koro.” Jisos kehm-e tongo re, “Le ejoro ebame!