Popular Bible Verses from Eksodus 9

Share

Ma Mi meki yu tan na libi fu sori yu Mi krakti, meki sma taki fu Mi na heri grontapu.

Dan MASRA taigi Moses taki: “Go na Farao dan yu e taigi en taki: ‘Na so MASRA, a Gado fu den Hebrewsma taki: Meki Mi pipel go fu den dini Mi.

Now kba Mi ben kan sori yu Mi makti, fu naki yu nanga a folku fu yu nanga takru siki fu un ben dede kmoto na grontapu.

Mi sa naki den meti fu unu di de ini den wei nanga siki. Mi sa naki den asi, den buriki, den kameel, den kaw, den skapu nanga den krabita nanga wan hebi siki. Ma MASRA sa prati den meti fu Israel fu den di fu Egipte. A no sa meki no wan fu den meti fu den sma fu Israel dede.’ ”

Dat' meki tamara a yuru disi Mi o meki wan hebi alen fu pis'pisi ijs fadon. Noiti bifo sowan sani ben psa na ini Egipte sensi a kondre disi de te leki a dei fu tide. Suku kibripe gi den meti fu yu nanga ala den sani di yu abi na ini den wei. Alen fu pis'pisi ijs sa fadon kiri ala sma nanga ala den meti di no de inisei ma di tan na ini den wei.’ ”

A sa wai leki fini doti abra a heri kondre Egipte èn a sa broko butsweri di o tron soro na a skin fu libisma nanga meti.” So Moses nanga Aaron teki asisi fu wan onfu. Den go tnapu fesi Farao dan Moses fringi a asisi na loktu meki butsweri di ben e tron soro broko na a skin fu libisma nanga meti.