Popular Bible Verses from Abanyaroma 14

Share

Koko rero ubwami bw'Imana ntibushingiye ku kurya no kunywa, ahubwo bushingiye ku migirire itunganye n'amahoro n'ibyishimo duheshwa na Mwuka Muziranenge. Ukorera Kristo atyo ashimisha Imana kandi akemerwa n'abantu.

Niba turiho, turiho tugengwa na Nyagasani, dupfuye twaba dupfuye tugengwa na Nyagasani. Bityo rero twaba turiho cyangwa dupfuye, turi aba Nyagasani.

Nuko rero nimucyo duharanire gukora ibintu bigamije kuzana amahoro, no kubaka ubugingo bwa bagenzi bacu.

Noneho rero tureke kunegurana. Ahubwo mwiyemeze rwose kutagira icyo mukora cyaca umuvandimwe wanyu intege, cyangwa ngo kimugushe mu cyaha.

Ni na ko Ibyanditswe bivuga ngo: “Jyewe Nyagasani, ndarahiye, buri muntu azampfukamira, buri wese azemerera mu ruhame ko ari jye Mana.” Bityo umuntu wese azamurikira Imana ibyo yakoze.

Umunyantegenke mu byo kwemera Kristo, mumwakire mutamugisha impaka ku byo yibwira.

Ese wowe uri nde wo kunegura umugaragu w'undi? Nta wundi utari shebuja wamenya niba akora neza cyangwa nabi, kandi azakora neza kuko shebuja ari we Nyagasani, abasha kumushyigikira.