Popular Bible Verses from Imigani 3

Share

Wiringire Uhoraho n'umutima wawe wose, kandi ntukishingikirize ku buhanga bwawe. Mu migenzereze yawe ujye umuzirikana, na we azaboneza imigambi yawe.

Ntukiringire ubwenge bwawe, ahubwo uzajye wubaha Uhoraho, wirinde ikibi.

Wubahe Uhoraho umutura ku byo utunze, umuture umuganura w'umusaruro wawe, bityo ibigega byawe bizuzura ibyokurya, naho imivure yawe yuzure divayi.

Umurava n'ukuri bijye bikuranga, ubitamirize nk'urunigi mu ijosi, maze ubyandike mu mutima wawe.

Mwana wanjye ntukange inama z'Uhoraho kandi ntukinubire imiburo ye. Koko rero Uhoraho acyaha uwo akunda, nk'uko umubyeyi acyaha umwana akunda.

Mwana wanjye, ntukibagirwe inama zanjye kandi ujye uzirikana amabwiriza nguha. Nugenza utyo uzarama kandi uzagira amahoro asesuye.

Hahirwa umuntu ugira ubwenge akagira n'ubushishozi. Kubugira biruta gutunga ifeza, inyungu yabwo iruta izahabu. Ubwenge burusha agaciro amasaro y'agahebuzo, ntawagira ikindi yifuza cyahwana na bwo.

Ntukange kugirira neza ababikeneye, igihe cyose ubishoboye.

Uhoraho yahanze isi akoresheje ubwenge, arema ijuru akoresheje ubushishozi.