Popular Bible Verses from Abanyefezi 5

Share

Kuko muri abana b'Imana ikunda cyane, mujye mukurikiza icyitegererezo cyayo. Mujye mugenza nk'uko Kristo yadukunze, akitanga ngo atubere ituro n'igitambo bifite impumuro nziza ishimisha Imana.

Muzirikane rero imigenzereze yanyu mutagenza nk'injiji, ahubwo mugenze nk'abanyabwenge, mukoresha neza igihe mufite kuko iyi minsi ari mibi.

Ntimugasinde inzoga kuko zitera kwiyandarika, ahubwo mwuzure Mwuka w'Imana. Mubwirane zaburi n'indirimbo z'ibisingizo n'izahimbwe zikomoka kuri Mwuka, muririmbire Nyagasani kandi mumucurangire mubikuye ku mutima. Igihe cyose mujye mushimira Imana Data ibintu byose, mu izina ry'Umwami wacu Yezu Kristo.

Noneho rero, ntimukabe abapfu, ahubwo mujye mumenya neza ibyo Nyagasani ashaka.

Bagabo, mukunde abagore mwashakanye nk'uko Kristo yakunze Umuryango we akawupfira.

Kera mwahoze mu mwijima, ariko none ubu muri mu mucyo kubera Nyagasani. Nuko rero mujye mugenza nk'abari mu mucyo koko.

Mujye mwubahana mubitewe no gutinya Kristo.

Bagore, mwubahe abagabo mwashakanye nk'uko mwubaha Nyagasani.

Icyakora namwe rirabareba. Umugabo wese muri mwe akunde umugore we nk'uko yikunda, kandi n'umugore na we yubahe umugabo we.

Ibyanditswe biravuga ngo: “Ni cyo gituma umugabo azasiga se na nyina akabana n'umugore we akaramata, bombi bakaba umuntu umwe.”

Ntimukagire uruhare mu bikorwa by'imburamumaro bikorerwa mu mwijima, ahubwo mujye mubishyira ahagaragara.