Popular Bible Verses from Luka 2

Share

Yorlah nar aơ ta ƀon Đavit, bu deh jêh ma khân may du huê Nơm Tâm Rklaih jêng Brah Krist, jêng Kôranh Brah.

Ƀiălah tông mpăr lah ma khân păng: “Lơi klach ôh! Aơ, gâp mbơh ma khân may du Nau Mhe Mhan Ueh, aơ mra jêng nau răm maak toyh ma lĕ rngôch bunuyh.

“Tâm rnê ma Brah Ndu klơ trôk, Nau đăp mpăn ta neh ntu, nau yô̆ ăn ma bunuyh!”

Brah Yêsu blau mĭn lơ hâu ntop, tâm săk jăn lơ hao toyh, lơ hô ƀư ueh nuih n'hâm Brah Ndu jêh ri bunuyh.

Aơ jêng nau mbên gay ma khân may dơn gĭt Păng: Khân may mra tâm mâp du huê kon se jê̆ nkŭm ma bok gŭ bê̆ch tâm hip gơ̆.”

Tâm ban đŏng n'gor nây, geh ƀaƀă bunuyh rmăk biăp gŭ tâm ndrêch, gŭ rngeh măng njrăng uănh phung biăp. Du huê tông mpăr Kôranh Brah tâm mpơl ma khân păng, nau chrêk rmah Kôranh Brah nchrat ang văr jŭm rĭ dĭng khân păng klach hâu ngăn.