Popular Bible Verses from Luk 14

Share

“Ọmwa ne ọ bu mwẹ rre, ẹ i sẹtin ru ọrhuanegbe mwẹ, deghẹ i re te ọ khuiwu erha ẹe, iye ẹe, amwẹ ọnrẹn, ivbi ẹre, etiọnrẹn ne ikpia kevbe etiọnrẹn ne ikhuo.

Ọmwa ne ọ ma mu ugbugbe ẹre ne ọ lele mwẹ, ẹ i sẹtin ru ọrhuanegbe mwẹ.

Rhunmwuda, ọmwa ne ọ tọn egbe mu, a gha mu ẹn rriotọ, ọmwa ne ovbe mu egbe ẹre rriotọ, a gha tọẹn mu.”

Jesu keghi kha wẹẹ, “Erriọ ọ wa ye zẹ, ne ọ gha sẹtin ru ọrhuanegbe vbe uwu uwa i rrọọ a deghẹ Ọ ma sẹ emwi nẹ ọ mwẹ hia rae.

Deghẹ ọkpa vbe uwu uwa ra bọ owa, ọ ghi tota ka roro igho ne ọ gha gbe nẹ, ne ọ miẹn ehe na rẹn a deghẹ rẹn mwẹ igho ne ọ gha gba ẹre. Deghẹ ọ ma ru vberriọ, na ghẹ i miẹn wẹ ugbẹn vbe ọ gha ghi gbe ẹyotọ nẹ, ọ ma miẹn igho ya bọ owa ni fo, emwa ni miẹn emwi ne ọ sunu ghi gha ta ẹre giẹ, wẹ, ‘Okpia na suẹn owa gha bọ, sokpan ọ ma sẹtin bọe fo.’

U gha le evbare, ya tie avbe ivbiogue, avbe arọe, avbe uke kevbe arhuaro, a gha fiangbuẹ, rhunmwuda iran i sẹtin ha ruẹ use. Osanobua gha ha ruẹ osa vbe ẹghẹ ne a gha na huẹn avbe emwata kpaegbe vbe idin.”

“Umwẹ maa, sokpan orhiẹnrhiẹn ọnrẹn gha fafa nẹ, emwi ne a gha ya ruẹe ne ọ do gha rhiẹnrhiẹn i rrọọ. Ẹ i ghi maa ne otọ kẹkan ra ekẹn nekhui ne a ya kọ emwiokọ, te a ghi ra mu ẹn kua. Ne ọ mwẹ ehọ ne a ya họn, gie ẹe họn!”