Popular Bible Verses from रोमियां 4

Share

ते ना ही अविश्‍वासी हुती कर नरीकारा चे वायदे उपर शक्‍क करला, पर विश्‍वासा मां मजबूत हुती कर नरीकारा ची महिमा करली, ते ओनु पूरा भरोसा हुता कि जिसी बाते चा वायदा नरीकारा ने करला, ओ ओनु पूरा करने मां वी सामर्थी छै।

जिसड़े कि पवित्रशास्त्र मां लिखले आले छै, “मैं तनु ब़ोहत सारीया जातिया चा ब़ा ठहराला।” नरीकारा चे सामणे अब्राहम अम्चा ब़ा छै, जेह्णे ओ नरीकारा उपर विश्‍वास करला, जको मरला आला नु जीते करे ते जको बाता छी ही कोनी, वांचे नां इसड़े गिहे, कि मनती गिहा कि वे छी।

ईशु अम्चे अपराधा वास्ते पकड़वाला गेला, ते अम्चे धर्मी ठहरणे वास्ते मरले आला महु जिवाला वी गेला।

अब्राहम ने कुई आस ची जग़हा ना हुवणे उपर वी आपणे मना मां आस राखती कर विश्‍वास करला। ऐवास्ते वचन चे अनुसार ओ ब़ोहत सारीया जातिया चा ब़ा बणला। जिंवे कि पवित्रशास्त्र मां लिखले पले, “दुधा वंश इसड़ा हुवी।”

येही वजह कनु वायदा विश्‍वासा उपर टिकला आला छै, ते हा सेंत मेंत मां मिले, वां सारे वंशा वास्ते पक्‍के हो, ना कि सेर्फ ओचे वास्ते जको व्यवस्था आले छी, बल्कि वांचे वास्ते वी जको अब्राहम चे समान विश्‍वासा आले छी, ओही तां अम्चा सब चा ब़ा छै।

“धन्‍न छै ओ, जाये अधर्म माफ करले गेले, ते जाये पाप ढकले गेले। धन्‍न छै ऊं इन्सान जानु प्रभु पापी ना ठहराओ।”

पवित्रशास्त्र का किहे? ईं कि, “अब्राहम ने नरीकारा चे उपर विश्‍वास करला, ते हा ओचे वास्ते धार्मिकता गिणला गेला।”