Popular Bible Verses from Yohan 19

Share

Yesuí mvcattì aq bǿà kvt, “Dv́ng bǿngà,” wae. Wekvt Àng vgo køt vngǿm nø shaq dvtná:mì.

Yesu nø bv̀nlì shvngbe wá dv́ng bǿà we sv̀ng sháshì rvtnø̀, Shànshér Kàru dvgømlv́m dvpvt, “Ngà tì bále,” wae.

Yesuí Àng shvnvng yv́ng rip we àngmè nv̀ng Àng shóngshì we coqcv́npè sv̀ng yv̀ng bǿà kvt, àngmè sv̀ng, “Svmarémèá, èyà:ngò, nvcèpè íe,” a:lòe. Wedá:ngí coqcv́n wepè sv̀ng, “Èyà:ngò, nvmè íe,” a:lòe. Wervtø̀ kèní Mari sv̀ng nø coqcv́n wepèí àng chø̀m sv̀ng shøl bǿà.

Íwe Yesu yv́ng tuq ráì nìnø, Àng nø to shi dá:rì we yv̀ng bǿà rvt, Àng hí nø mvgiqò. Íwe cìlcè tiqpèí Àng svràm pa sv̀ng mvngjø:ngí yaq bǿà nìnø, shvwi nv̀ng tìshø̀l chàng vyǿ daqì.

Yadv́ng pv̀n íá:mì lòng nø, Shànshér Kàru taq, “Àng sharø tiqtancè gø mvgiqvm,” wa kà dvhømlv́m dvpvt íe. Vrá, Shànshér Kàru dvgá tiqciq taq gø, “Àngmaqí yaq bǿà pè sv̀ng àngmaqí dvjaq lú:ngòe,” wae.

Wekvt Yesu nø Àng wurgang Àng baqshì sórí, Vgo Sharø Zàng a:lò yv́ngsv̀ng búngá:mì. (Wezàng nø Hebru kàí “Golgota” tǿòe).

Vrá, cìlcèrìí bv̀nghǿí za:tnò we koqkv́m vmo Àng vgo taq shvmoò sórí shvmoq bèlaq yvnggúng tiqdùng dvgwaòe.