Popular Bible Verses from ROM 8

Share

Hik ya hipanei tentang hal adeh: Jenang Kiator dikdij hal ha bernor dikdij mai de naihok ha Ilei. Enai ajeh mai de bicereg kena ru nerancang Jenang.

Eng betol-betol ngyaken tentang hal adeh: Baik danan atao sinui, baik malikat atao kelog jehat, baik hal de tejadi hunen atao pigoi doh, baik ma-ma pen kuasa, baik de tinggi ku langit atao de jerek ku kerop bumi, baik ma-ma taleh de mong bicipte ku dunia adeh - pek mong ma-ma pen de dapat naicerlah hik ju haknok Jenang de biperneng nu hik melalui Kristus Yesus Tuhan hik.

Begei ajehloh juga, Kelog Jenang juga Kitulog ha hik de lemah adeh. Hik pek hipanei ma de patot hisemanj nu Jenang bile hibedoa tapi Kelog ajeh sendiri Kibedoa ha hik ya penghod ru jengnam de pek mampu biungkap ya bengwal.

Jadi, maloh de buleh hiurok ha dikdij hal ajeh? Jenang ya mong ku pihak hik, jadi bokhentok de dapat belawan ha hik.

Jadi hunen, pek mong nij nehukom nu mai de benanek ru Kristus Yesus.

Amen sengik engkek tebeg ya heknod berog, engkekep danan. Tapi amen sengik engkek tebeg ya Kelog Jenang, engkekep sinui ru neaman.

Hamapen hal-hal de begei ajeh tejadi nu hik, hik hikep mennang de entoi melalui Ilei de Kihok ha hik!

Eng betol-betol ngyaken tentang hal adeh: Seniksa de hirasa hunen langsong pek ma-ma amen hibandeng ru ikemuliean de hirasa doh.

Hal ma de dapat kicerlah hik ju haknok Kristus? Pek mong ma-ma pen ihal de dapat kicerlah hik ju haknok Kristus, baik senusah, seniksa, penganiayean, cengwag, nehajap, bahaye, ataopen danan.

Jenang de Kipanei sengik manusia Kipanei juga sengmanj IKelog ajeh kerana IKelog ajeh Kisemanj nu Ilei ha Isengoi-sengoi kena begei ha Iheknod.

Dikdij mai de bipimpen ya Kelog Jenang ajeh kekenon Jenang.

Sengoi de kisui kijoi heknod iberog, isengik tebeg ya heknod manusia. Tapi sengoi de kisui kijoi heknod Kelog Jenang, isengik tebeg ya heknod Kelog Jenang.

Kenon Ilei sendiri pen pek Kidek ru sanggop Kiog Kek sebegei korban kerana Kaha-peselamat ha dikdij hik. Jadi, tentu Kek doh sanggop Kiog ma taleh nu hik.

Kelog Jenang Kipeyaken kelog lihik tentang hal adeh: Hik adeh kekenon Jenang. Kerana hik adeh kekenon Jenang, hik besama-sama ru Kristus doh hiwares berkat de bisedia ya Jenang ha Ikekenon. Hik juga doh hiterima kemuliean Jenang besama-sama ru Kristus. Tapi amen hiha-terima kemuliean ajeh, hik hod hitesiksa besama-sama ru Kek juga.

Sengoi de isengik tebeg ya heknod berog kijadi musoh Jenang kerana kek kinyek jijoi ha hukom Jenang ru mimang pek dapat kijoi ha hukom ajeh.

Dikdij de bicipte pek sabar naipoj imase Jenang Kaha-perneng Ikekenon

Hik ya hipanei tentang hal adeh: Dikdij de bicipte naitesiksa lei hunen begei numom kerdor de kiterhan ipenghod kaha-peryos ikenon.