Popular Bible Verses from ROM 6

Share

Danan ajeh hasel ju bahneh dosa tapi sinui de lei ditehjeh besama-sama ru Kristus Yesus Tuhan hik ajeh ennog ju Jenang de Kiog pecume.

Dosa pek buleh kibekuasa ku engkek nij kerana engkek pek engkesui ku kerop Hukom Taurat nij tapi engkesui ku kateh bernor sengik Jenang.

Mase hik bibaptis, hik ya hidat besama-sama ru Kristus ru ya bicop besama ru Ilei supaye hik dapat hisui sinui de pai sama begei Kristus biberkos ju Idanan ya kuasa Menek de mulie.

Agokloh og nanek pen ju anggote berog engkek nu dosa sebegei alat ha bahneh jehat. Tapi ogloh diri engkek nu Jenang kerana entemjeh engkek dat tapi hunen ya bipersui nij. Ogloh dikdij berog engkek sebegei alat ha bahneh hal de benar.

Hik ya hipanei tentang hal adeh: Sinui manah hik ya bisaleb besama-sama ru Ilei supaye kuasa dosa ku kelaku manah hik ajeh bipemusnah ru hik pek bipehambe ya dosa nij.

Begei ajehloh juga, engkek hodloh engkeanggap diri liengkek ya dat nu kuasa dosa tapi engkesui ha Jenang kerana engkebenanek ru Kristus Yesus.

Amen begei ajeh, maloh de buleh hiurok? Bulehka hik lekat hibeh dosa supaye Jenang Kiperneng Ibernor sengik de lebeh entoi nij? Tentuloh pek buleh! Hik ya hidat nu dosa. Tentu ya pek buleh lekat hisui ku kateh dosa nij.

Tentu engkek ya engkepanei tentang hal adeh: Engkek ajeh hambe nu bok taleh de engkepileh engkeha-taat. Engkek buleh engkejadi hambe nu dosa de kien engkek nu danan. Atao, engkek buleh engkejadi hambe nu Jenang de doh Kipejadi engkesui sinui de benar.

Tapi besyukorloh nu Jenang kerana entem engkek ajeh hambe nu dosa tapi hunen engkek betol-betol engketaat nu neajar benar de ya biog nu engkek. Engkek ya biterlas ju dosa ru engkejadi hambe nu sinui de benar.