Popular Bible Verses from ROM 14

Share

Kerana, bile Jenang Kimemerintah sebegei Raja ku sinui hik, pek penteng hijoi hukom-hukom tentang caknak ru ngeknut ajeh, tapi de penteng ajehloh hibeh heknod Jenang, hisui damei ratak lihik, ru hisui sinui de kerakmik. Dikdij ajeh biog ya Kelog Santen. Sengoi de kisui ha Kristus begei ajeh doh naipesenang sengik Jenang ru bihargai ya mai kilek.

Amen hisui, suiloh ha Tuhan. Amen hidat, datloh ha Tuhan. Jadi, amen hisuika hidat, hik adeh hak Tuhan.

Ajehloh isebab hik hod hikerekwat hibeh hal-hal de kien neaman ru hibeh hal-hal de kibeh hik sama-sama hiberaknak ku kateh iman nu Jenang.

Jadi, sudahloh agok engkepejatoh hukom nu sesama liengkek sesedara seiman. Tapi hodloh engkebeh keputusan pek engkeha-beh hal-hal de kibeh sesedara seiman liengkek naitades ru naibedosa.

Ku kateh Alkitab mong bicot, “TUHAN Kiurok, ‘Eng sebegei Jenang de sui Ngurok jap-jap mai doh naisujod ru naisembah ha Eng ru jap-jap mai doh naiaku Eng adeh Jenang.’ ” Jadi, jap-jap lihik doh hod hibetanggongjawab ru hijawab nu Jenang tentang dikdij kelaku de hibeh.

Terima talehloh sengoi de pek memerip naiyaken tentang hal-hal de patot naipecaya. Agokloh bejawab ru enai tentang pendapat de nairasa betol atao pek betol.

Engkek ajeh bok, engkeha-hukom hambe mai kilek? Had tuan ilei sendiri taleh de layak kiurok ihambe ajeh ikerjak borka tok. Hambe ajeh doh bor kibeh ikerjak kerana Tuhan de bekuasa Kibeh hambe ajeh begei ajeh.