Popular Bible Verses from 1 KORINTUS 6

Share

Tentu ya engkepanei tentang hal adeh: Berog liengkek ajeh deg ha Kelog Santen de Kigei ku kateh engkek ru de biog ya Jenang nu engkek. Berog engkek ajeh pek hak liengkek sendiri tapi hak Jenang. Kerana Jenang ya Kibeli engkek ru iregak ya dij bibayar, jadi gunaloh berog engkek ajeh ha hal de bor supaye Jenang bipateh.

Engkek ya engkepanei tentang hal adeh: Mai de pek naibeh heknod Jenang doh pek naimuj nu serga de biperintah ya Jenang sebegei Raja. Agokloh lenglod ha diri liengkek sendiri! Mai de bahbeh kelaku seks de niknej, de sembah ha behala, de bezinah, de bahbeh seks sesama jenis, neksiknij, naibekelaku tamak, nekbelnel, nekbepitnah ha mai kilek, ru nekbelennon naiha-berkep duet, dikdij enai doh pek naimuj nu serga de biperintah ya Jenang sebegei Raja.

Pernyakloh diri liengkek ju kelaku seks de niknej! Dikdij dosa kilek de bibeh ya manusia pek kena ku berog liknai. Tapi bok imai de kibeh kelaku seks de niknej, kek kibedosa ku berog ilei sendiri!

Mong mai ku engkap engkek de naiurok, “Eng buleh ngbeh ma-ma taleh sengik eng de kaha-beh.” Engrok begei ajeh mimang betol tapi pek dikdij pekare beguna nu engkek. Eng pen buleh ngbeh ma-ma taleh de sengik eng kaha-beh tapi eng ngnyek hal-hal ajeh kipejadi eng hambe nu sengik lieng.

Jenang de ya Kiberkos Tuhan ju danan doh Kiberkos hik juga ya Ikuasa.