Popular Bible Verses from 1 KORINTUS 15

Share

Kerana ajeh, sesedara seiman de nghok, hodloh lekat engkekuat pek yahyoh. Hodloh engkekerekwat bahbeh kerjak Tuhan kerana engkepanei kerjak de engkebeh ha Tuhan ajeh pek sie-sie.

Tapi hibesyukor nu Jenang de Kiog hik menang hilawan dosa ru danan melalui Yesus Kristus Tuhan hik.

Agokloh engkek bilenglod ya mai de beajar neajar de salah kerana “Bekawat ru mai de jehat doh kiperusak perangei de bor.”

Tapi kerana bernor sengik Jenang nu eng, begei adehloh ijenadi nu eng hunen. Bernor sengik Jenang ajeh nu eng pek kijadi sie-sie kerana Ibernor sengik ajeh kibeh eng ngkerakjak lebeh kuat nij bebandeng dikdij rasul-rasul de kilek. Dikdij ajeh pek ya kengwat lieng sendiri tapi ya bernor sengik Jenang de mong besama ru eng.

“Danan doh pek kimenang.” “Danan doh pek dapat kiperhod jik.” Hik hidat kerana hibedosa, ru hipanei hibedosa kerana mong Hukom Taurat.

Cerngailoh! Adehloh nerancang de birahsie ya Jenang canukjeh: Ku mase Tuhan Yesus Kihol nij doh, mong mai ju engkap hik adeh doh de lekat sui. Tapi dikdij lihik de lekat sui ru de ya dat doh biubah. Bile trompet biparok ku ipenyudah kali, hik doh aleh-aleh hibeubah. Bile trompet biparok, mai de ya dat doh biberkos ru biog berog de lei ditehjeh, ru dikdij lihik de lekat sui doh hibeubah juga.

Danan kihol nu dunia adeh melalui numom sengoi. Begei ajehloh juga, kisnos ju danan biog melalui Numom Sengoi kilek. Melalui Adam dikdij manusia ya naikep danan. Begei ajeh juga, melalui Kristus dikdij manusia doh bipersui nij.

Berog de sok doh biganti ya berog de lei ditehjeh ru berog de dat doh biganti ya berog de pek dat.

Kristus hod lekat Kimemerintah sebegei Raja leiloh Jenang Kidek dikdij musoh Kristus nu kerop kuasa Kristus. Danan ajehloh musoh de ipenyudah sekali doh bipebinasa.