Popular Bible Verses from 1 KORINTUS 1

Share

Tapi Jenang sengaje Kipileh sengoi-sengoi de bianggap budoh ya dunia adeh kerana Kaha-peselsel mai de cerdeg. Jenang juga saja Kipileh mai de bianggap lemah ya dunia adeh kerana Kaha-peselsel mai de mong kuasa.

Nu sengoi-sengoi de doh naibinasa, neajar tentang danan Kristus ku jehuk kalag ajeh neajar de budoh. Tapi nu hik de bipeselamat ya Jenang, neajar ajeh kiperneng ha kuasa Jenang.

Mai kilek naianggap neajar tentang danan Kristus ku jehuk kalag ajeh benudoh Jenang, tapi sebenarnye hal ajeh cerendeg de lebeh cerdeg ju penanei manusia. Enai juga naiurok danan ajeh kiperneng Jenang ajeh lemah tapi sebenarnye hal ajeh lebeh bekuasa daripade dikdij ma de buleh bibeh ya manusia.

Jenang hik ajeh setie. Kekloh de Kicereg engkek supaye engkebenanek ru IKenon Yesus Kristus Tuhan hik.

Sesedara seiman! Ngbesat nu engkek ya kuasa Tuhan hik Yesus Kristus. Bepakatloh ku kateh nanek bengwal ru agokloh mong mai naiceraklah ku engkap engkek tapi hodloh engkebenanek ku kateh sengik ru peniker.

Jadi, ya jelas. Mai de cerdeg pek beguna. Mai de pakar Hukom Taurat pek beguna. Mai de panei bedebat ku jaman adeh pen pek beguna. Kerana, Jenang ya Kipejadi penanei manusia pek beguna!