Popular Bible Verses from Mʉkpanganɨa 37

Share

Tɨa naɓutu mʉngana, Yɛjɛfʉ a꞉natakanaka lɨwɔtɔ. Ɨyɛ tɨta ɔ꞉ngakɨa ɓamanye lɨwɔtɔ ngɨlɛnɛnɨ, ɨɓɔ, ɓɔ꞉mʉyaa tɨta nɔgbɛ.

Ɨsalaɛlɛ a꞉tɨkʉnda Yɛjɛfʉ nɔgbɛ, anagaaka ɓana ngʉɓangɔ ɓɔmɔ ɓaɓomu, dɔ, a꞉mʉnɔta ngbinga ngɨa, ɨyɔ a꞉ɓio-ɔɔ tɨa mʉkʉʉ. Ɔ꞉minjo tɨa kʉ nɔ kɔtɨ ata muɗo, mʉta ɓɔ kpɛɛ kpɛɛ.

Ndʉ ɓamanye ɓɛ꞉na ɓɔ ɨsɛ eɓo akyɔmʉkʉnda ɨyɔ nɔgbɛ, kʉdɔ, ɓa꞉pʉnga nayɔ ayaa. Ɓa꞉ngɔɓɨmʉngɨa tii ɓata, ɨyɔ yaka nɔ iso yɔ majɨɔ.

Ɔ꞉tɔnatakanaka ɓata, nɔ ɔ꞉tɔngakɨa ɓata ɓamanye kʉ ngakɨanɨ: «Nɔ꞉takanakɔ pɛngɛ ɓata! Ananɨ, yɔ꞉ɓio pɛngɛ atɨ ɨpá, nɔ ui, nɔ ndata tɛkɛɓɛ nɔ mʉngana, yɔ꞉ɓio pɛngɛ agbʉkʉmakɨa apɛɨ asɛmɨ.»

Ɓamanye ɓɔ꞉mʉkwɨa imi. Yakamɛngana, ɨsɛ ɔɓio ta atungwoko lɨwɔtɔ ngɨlɛnɛnɨ.

Ga Yɛjɛfʉ naɓɔ aka ɓɔ: «Nɔnɨtɔ ɓɔ, ʉkeni-sɨ lɨwɔtɔ ngɨlɛ nɔ꞉takanakɔ pɛngɛ. Tɔ꞉ɓio pɛngɛ akɔ sangaka lɨkaja lɔ nganɔ, akɔ ɓana ɓɔ ɓapeɓu, ati ɔ kʉbaa ɓɔ. Ndʉ aka, ɨkaja yɔ nganɔ ngɨyɛsɛmɨ, yɔ꞉tunduono ga tuu, nɔ yɔ꞉maa ga gba. Tɨa ileno, lɔ꞉ɨkunguo ga kuu, nɔ lɔ꞉gbʉkʉmɨa ananɨ apɛɨ ɔngɔ.»

Ikeni, tʉmʉweni ɨtakɨtakɨ ngɨyɛ, nɔ tɔmugiso amati ɔ ʉpɨa mʉngana aka. Tabisugo ɓɔ nama ata ɗɛa ɔ꞉mʉwɔ, nɔ, tɛ꞊na suo tɨa aka lɨwɔtɔ ngɨlangɔ, la꞊kyananakɨa-ɔɔ.»

Ɨyɛ ndʉ, ɓombi ɓɔ magabʉ, Ɓamɛdɨanɨ ɓɔngɔ, ɓa꞉ɓio tɨa achana, ɓɔ꞉mʉɗuɗuo Yɛjɛfʉ, nɔ ɓɔ꞉muchwɛiso amati ɔ ʉpɨa. Nɔ ɓɔ꞉mʉgaba atɨ Ɓaɨsɨmaɛlɛ, akɔ mangyɛɛ kɔ mako kɔ dada ɓatɛkɛɓɛ ɓapɨnɨ. Kʉdɔ, ɓɔ꞉sa nayɔ anɔ Misili, ga ngo.

Ɓɔ꞉mʉyakanakɨa ati eɓo ɓɔ: «Eee, ngama wɔ lɨwɔtɔ a tɨa anɨka.

Ɓamanye ɓa꞉mɨna ta ɗu, angɛsɨnganenimʉ-sɨ pɔ tinene naɓɔ. Ɓɔ꞉singekio idimi nayɔ akɔnɨwa.

Ga Lubeni ɓata naɓɔ aka ɓɔ: «Nátɨnjwakisenimʉ menike. Mugiseni gʉtʉ ta amati ɔ ʉpɨa mʉngana, amukengu aka, nɔ mombi atɨnapɨamʉ ɨkɔndɔ akʉʉ ɛngɔ.» Lubeni a꞉ɓio akʉnda nayɔ aɓwanakiso, alɨkɔndɔ leɓo, dɔ, imutoiso ta atɨ ɨsɛ.