Popular Bible Verses from Mʉkpanganɨa 35

Share

Ga Asɔɓɨɨ ɓata nayɔ ɓɔ: «Ɨmɨ akɛ na Asɔɓɨɨ ngɨa Angu Nɔgbɛ. Nɔ꞊ta ɓana ɓaja, nɔ wɔ꞊cho. Ɨbaba, nɔ mababa kɔ ɓombi, ka꞊chwɛa sina aɓʉa ngʉɓɔsɔɔ, nɔ ɓangama ɓɔ꞊chwɛa sina kʉ aʉsʉkʉa ngʉwɔsɔɔ. Ɨkʉmbʉ ngɨyɛ na꞉panaka jɛnɛ atɨ atʉngwanʉ Abalaama, ɨɓɔ nɔ atɔ Isaka, na꞊nenjo ɨyɔ tɨa ʉwɛ, ɨhɔ nɔ ɓanɔnɔ ɓɔsɔɔ.»

Dɔ, ta꞊nɨsa anɔ Bɛtɛlɛ, aki nabituɓoki-ɛɛ Asɔɓɨɨ, gbɔ́gbɔ ɔ mutebii. Asɔɓɨɨ ngɨananɨ, a꞉nɛkɨa jɛnɛ ɨmɨ isingo akɔ ɓisi ɓɔ ikoko, nɔ, a꞉ɓio ɨhɔ nɛmɨ, aʉmʉa kʉ uɓomu ngʉwa nakyɛndakɔ-ɔɔ.»

Kʉdɔ, Asɔɓɨɨ ɔ꞉musigio ɓɔ: «Ʉwɛ, wa ino ɓɔ Yakɔɓɔ. Ɓa꞊ngɔnasoko tii ɓata ɓɔ Yakɔɓɔ, yakamɛngana, wa꞊ɓio ino tɨta ɓɔ Ɨsalaɛlɛ.» Kʉɓanɨ, Asɔɓɨɨ ɔ꞉misoko tɨta nɔ ino yɔ Ɨsalaɛlɛ.

Kʉdɔ, Yakɔɓɔ a꞉sigio ɨfananja ngɨangɔ, nɔ ɓombi ɓaɓomu ngʉɓa ɓa꞉ɓio ɨhɔ nayɔ ɓɔ: «Giseni ɓamʉngʉ ɓɔ majɛjɛ ɓɔ ɓɛɛka ngʉɓa nánaɓɔ ta aka. Nɔ gyaɓanakɨeni, nɔ, nécheni lɨpʉkʉ ngɨleno.

Ya꞉ɓio ɓisi mʉngana, Asɔɓɨɨ a꞉sigio Yakɔɓɔ ɓɔ: «Ɨmɨ, na Asɔɓɨɨ ngɨa na꞉nachwɛanɨa jɛnɛ, angbinga ngɨa wa꞉tʉgbʉa-ɔɔ, akɔkumo mwana ɔ anʉ Esau. Ɔ꞉ngwɨa kyɛnda anɨsa awolo ɨkʉmbʉ anɔ Bɛtɛlɛ, nɔ tɨa inani, wɔ꞊tɔnatuɓokio suo gbɔ́gbɔ ɔ mutebii.»

Dɔ, Lakeli a꞉ɓio tɨta tinene aniwo, kʉdɔ, ɔ꞉mʉsʉa mwana ngɨananɨ ino ɓɔ Beni-Oni. Yakamɛngana, ɨsɛ ɔ mwana ɔ꞉mʉnataniso ino tɨa ɓɔ Bɛnjamɛ.