Popular Bible Verses from Mateo 18

Share

Oun kote, kay douy, triin menshe khetne venna an miro lab, kote hom me mashkral lende.

Me penau t'menge ninna: Te mangenn douy t'mendar khetne čomone o Deblestar, palle dell len miro dad an o bolepen kova, hoy yon lestar mangan.

Koy das o Yezous i tikno čaves pash peste gole, oun čivas les glan lende, oun penas: Čačepah, me penau t'menge: T'mer te moukenn gar t'maro drom, oun venn gar har i čave, palle nashte venn gar ap o Debleskro drom.

Koon krell pes gar bares oun vell har kava čavo, kova hi o bareder mank kolende, kay djan ap o Debleskro drom.

Oun kova, kay lell savo čavo pash peste pre, kova lell man pash peste pre.

Čačepah, me penau t'menge: Ap koleste, kay t'mer penenna: O Devel las tiri doosh toutar, kolestar hi li krik lino. Ap koleste, kay t'mer penenna: Tiri doosh ačell ap toute, ap koleste ačell leskri doosh čiddo.

Oun o Yezous penas doureder: Te bistrenn t'mer gar o tselo djiyestar o čilačo koova, hoy i vavar phraal ap t'mende kras, yaake krell miro dad an o bolepen emligo t'mentsa.

Kova, kay anell yekes kal tiknendar, kay patsenn ap mande, miro dromestar tele, koleske vals feteder, te vell leske i pharo bar troul i meen pandlo, oun te vell lo tassedo an o baro pani.

Kova hi yaake, har te hi i morshes sheel bakre, oun yek lendar djal nashedo. Palle moukell lo kol enya-deesh-te-enya (99) bakre ap i pralstouno them tardo, oun rodell ko yek bakres, hoy nashedo hi.