Popular Bible Verses from Mateo 16

Share

Palle penas o Yezous ap peskre malende: Koon ap miro drom mantsa djala, kova hounte bistrell, hoy leske kokres mishto hi, oun hounte lell peskro troushel ap peste, oun djal mantsa.

Doleske penau touke: Tiro lab hi kanna Petro. Kova, hoy tou kate penal, hi har i zorelo bar, ap koleste čivau miro kheer. Oun miro kheer hi kolla, kay patsenn ap mande. Oun kek nashte lell len dran mire vasta vin, ninna kek merepen.

Me dau tout i klidepaskro, hoy krell o voudar pre, te venn i menshe ap miro drom. Ap koleste, kay tou peneh: O Devel las tiri doosh toutar, kolestar hi li krik lino. Ap koleste, kay tou peneh: Tiri doosh ačell ap toute, ap koleste ačell leskri doosh čiddo.”

Koon peskro djipen zoreles kamella, kova nashrell les. Koon peskro djipen mange nashrella, lell les mandar pale.

I mensheske vals kova gar mishto, te lals lo o tselo bravlepen ap kay phoub, oun nashrals o djipen. I mensho nay dell či o Debleste, te lell lo ko djipen pale.

Penas lo: “Oun hoy penenn t'mer, koon me hom?” Penas o Simon Petro: “Tou hal o baro ray, kolestar o Devel penas te vell yob. Tou hal o čavo o djido Deblestar.”

Penas o Yezous ap leste: “Barhtelo hal tou, Simon Bar-Yona. Kol laba, hoy tou pral mande penal, kolla van gar toutar, vitar gar vavar menshendar. Miro dad an o bolepen sikras tout kova.