Popular Bible Verses from Mateo 12

Share

Me penau t'menge: Vell ko dives, kay rakrell o Devel o čačepen pral i tsele menshende ap i phoub vin. Kote poučell lo lendar pal hako čilačo lab, hoy yon penan. Tou te penal i lačo oun čačo koova, leh tou kek phagi. Tou te penal kova, hoy gar lačo oun čačo hi, leh tou i phagi.

T'mer han sapa! T'mer han čilačo oun nay rakrenn gar lačo koova. I mensho penell kova, hoy an leskro dji dren hi.

Dran i lačo mensheskro dji vella lačo koova. Dran i čilačo dji vella čilačo koova.

Čačepah, me penau t'menge kanna: O Devel nay bistrell hako čilačo koova, hoy i menshe kran. Oun yon te rakrenn djoungele laba pral leste, yaake nay bistrell lo kova ninna. Yek penell djoungele laba pral o Debleskro Dourho, palle bistrell lo kova gar.

Te hi t'men i lačo phabyengro rouk, hi t'men ninna lače phabya. Te hi t'men i phabyengro rouk, kay gar lačo hi, hi t'men ninna phabya, kay gar lačo hi. Ap kova, hoy o roukestar vella, dikenn t'mer, har ko rouk hi.