Popular Bible Verses from Louka 8

Share

Koy lači phoub hi har o dji kol menshendar, kay o Debleskro lab shounenna, oun djivenn koy pal. An lengre djia vell ko lab zorelo. Oun yon ačenn zoreles an o patsepen tardo.”

Ko kotar phoub, kay o djob mashkral i soubyengre bourra peras, hi har o dji kol menshendar, kay shounenn o Debleskro lab oun rikrenn les i tsiro an pengre djia. Te vell i daar an lengro djipen, oun te vell o bravlepen glan lengre yaka, oun ko shoukar djipen, palle vell ko lab lendar tassedo oun rakrell bouder gar an lengre djia.

Ko kotar phoub, hoy hi pherde barra, hi har o dji kol menshendar, kay shounenn o Debleskro lab, oun lenn les barhteles pre. O lab vell gar zorelo an lengre djia. I tikno tsiro patsenn le. Oun te vell pharo tsiro ap lende, vitsrenn le pengro patsepen ap i rig.

Oun yob penas ap lende: “Kay hi t'maro patsepen?” Oun yon trashan, oun penan yek ap o vavareste: “Koon hi kava morsh? Yob penell ap o zorelo dourho, te phourdell lo bouder gar, oun ap o pani, te čivell lo pes. Oun yon shounenn ap leste.”

Ko drom hi har o dji kol menshendar, kay shounenn o Debleskro lab. Oun o beng vella, oun lell kova lenge pale dran o dji vin, te patsenn le gar ap o Debleste oun venn gar ap leskro drom.

Yaake hi kova ninna o Debleskro labeha. Yek dives dikenn le kova, hoy yon kanna gar dikenna. Yek dives shounenn le oun hayvenn le, hoy yon kanna gar djinenna.

Har koy djouvel dikas, kay o Yezous lauter djinas, vas li glan. Oun yoy trissas oun vitsras pes glan leste tele, oun penas glan i tsele menshende, hoske yoy ap leskro ripen tapras, oun kay yoy ap yek kopo sasto vas. Oun o Yezous penas ap late: “Romniya, tiro patsepen kras tout sasto. Dja mo Debleha!”

Oun yon djan pash leste, djangran les pre, oun penan: “Sikepaskro, sikepaskro, ste pre, mer tassah!” Oun yob stas pre, oun penas ap ko zorelo dourho, hoy phourdas pral o pani: “Ač kanna!” Oun ap o divyo pani penas lo: “Mouk tele!” Oun o zorelo dourho phourdas bouder gar. Oun o pani his bouder gar divyo, oun das bouder kek gole.