Popular Bible Verses from Phŭn Blŭng 45

Share

Nêne dŏng, gô-ih anăm hơning ôh, wŏt anăm uah gô-ih pô le, yua mơ̆ng gô-ih ƀuo lôi kâo pơ ane, yua Ơi Adai pơđơi kâo r̂ai pơ ane hlâo gô-ih, čiăng r̂ăk čr̂oh klơi hơdĭp mơnuih.

Hla nŭn yơh, bĭ djơ̆ gô-ih ôh pơđơi kâo r̂ai pơ ane, Ơi Adai yơh pơđơi kâo r̂ai. Ơi Adai bơdŏ br̂ơi kâo ngă ma Pharon, dăp ngă khua bih mơ̆ng sang ñu, wŏt wai-lăng bih-tih lŏn-ia mơ̆ng čal Êjĭp mơ̆n.

Nĭng nŭn yơh Ơi Adai mơ̆ng pơđơi kâo r̂ai hlâo gô-ih, yua Ơi Adai čiăng ngă buă pr̂ŏng hla ne, ñu čiăng r̂ăk čr̂oh gô-ih mơ̆ng lŏn kơnah ne, dăp pơklaih klơi hơdĭp gô-ih he mơ̆n.

Jr̂ŏng nŭn Yôsep pơhiăp hr̂ŏm môt yŏng dơi ñu dŏng: «Kâo dueh mơ̆ng gô-ih r̂ai jĕ kâo wŏ.» Nŭn gơñu nao jĕ. Yôsep laĭ: «Kâo ne yơh Yôsep, adơi gô-ih, pô gô-ih ƀuo lôi pơ čal Êjĭp.

Yua klơi ĭ lơpa tăm čal ne dua thŭn boih, dŏ ma thŭn dŏng, bĭ thâo pla pơtĕm dăp bĭ thâo yuă le.

Yôsep pơhiăp hr̂ŏm môt yŏng dơi ñu: «Kâo ne yơh Yôsep. Hiư̆m, ma kâo dŏ dĭp mơ̆n ah?» Plai môt yŏng dơi ñu bĭ thâo til glaĭ ôh, yua môt gơñu huĭ tơtĭ-djĭl ti năp Yôsep.