Popular Bible Verses from 1 TIMOTHI 2

Share

Khasu" wim ga: ri Mangsoo gi dayug za: danghoid ziyo' byu yi ri tid nyheing tid feing" byid: su:- xang: su: byu re" bue" da" Khristu Yesu ein: zi we' dayug kyeing" danghoid. Nyang: gi byumyu" bain' sho' mo, ri khyoid yu wa shid re" nya: gung du: ri nyang: ab, byid: pyam' bye. Hau: zigi ayo, ju" lang" ngoonu" byu xangsu yug khang" moo" ri khyoid yu nau da" sag si: toin" shid' to" zi nghoid.

Hougsu" nghoid yoomo dangain" mo, da" shid' moo-byu bain' sho' bang: da" shid' re" Mangso jang" moo akyu" mho' xo' byid: da" khyoo:- mho' tung" bain: byid: da" khyoo: joem yo' jeju" ri coung" byid: da" khyoo: dakoid nyid boem wa shid re" doin: nyheun" yoem: byid: kaid. Ngoonu" gi Mangsoo ri gyoug phau" khyoo: moo goolho: za: cang lo" wigi ge, da" young" du, du asam" avoid, bo lho: ngei pyoo: myen, jham" za: kangso' yo" dei nyid goo" baja"- Kho: kham yi yo' amyeing" akhang" ci: bang: dangain" shid re" akyu" mho' nyid ge'.

Phung: mo mo, da" akyu" mho' ayo, khang" moo" moo yug gi yi ri akyu" mho' nhang: nau- Mangso jhang khyoo: mho' ab, xoin" to' byid: da" yug gi yi gi nheig yoo: go" zi ngeung byo, go" zi aboo loo: za: gyeungshang: da" lo, ri tu: lho: akyu" mho' nyid goo" baja". Myi: yi: zoo: yi gi avoid' ge, sam" dab, nu" nham, ziyo' nyangnu" da" void, mi void byi: void, da" khyoo: moo young" du, phoug" dab, tung" void, ci: nhang: nau. Xam: ri vhuzung zung khyo" xam: zeig zeug lho: lhoo, yhoung" khyo" ngei sheing: Palhe" tab- hougsu" anghoid lang" gi atho' tid loo sho' phoug" dab, da" byimi yo' lhoo, yhoung khyo" anghoid loo: za: Loem, khau: khyoo: moo goolhoo: za: cang lo" da" myiyi: zooyi lhoo, yhung eung: da" ziyo' dakhyoo" ti"- yu" du, yu" ge, da" asam" avoid, yo' nyang: nya: gung ri lhoo, yhoung nyid goo" baja".