Popular Bible Verses from 1PETERU 4

Share

Je" wigi nyang: cang" nyang:- gyeung" da" jheddab myid' yo' jheddab go" nyid ge, khasu" wim ga: ri jheddab da" nheigloem: gi yooboo myoo" sho' ri yo" nghoeb, pyam byid.

Dangain" bang: gi venyi jhung: shug dayug daja: yo" kham: yu bang: za: nghoid nyid. Nanu" gi Mangso da" mainkaid jhung: shug aja: ja: ri zoem: ci: se' da" zi jung su: yhang: ti"- nyang: nya: shau' kham: yu bye: da"{ jeju" ri byu gooje akyu shid' re" we' bo ci: yhoung nyid ge'.

Kho" kyo" nyid su: hang" we' Mangso da" mungdang: ri kho" kyo" nyid ca"- sube" dei zoo: koid nyid su: gi Mangsoo byid: to" da" yoem: so' yo' dakhyoo" ti"- deizoo: koid nyid ge'- houg: su" nghoid lang" she' zei: so' da" moo" zoo' dangain" jang" moo ASEING Yesu Khristu khyo" wigi phoo Mangsoo ge' wi coung" nghei tu: to' kaid' zi shau" wa nghoid. Yesu Khristu moo myonhoo: phung yoeb, bug thu' sheing" jhu" khyoo: gi pyaid didu moo dabo jo, baja" o" - Amen.

Nghoid loug we'-Khristain byu dayug nghoid yoomo shen" yhen zi shau" nyid nghoid rigi ce: sho' cang aboo. Khristu da" myeing voin, su: yo" bui' yoomo Mangsoo ri jeju" boin: nyid ge'.

Ziyoo jo, moo jo, thang loo" wa ayo, ju" bye: yoomo nanu" gi akyu" mho' wa shid re" nyang: nya: da" nheigloem: ri zed" lhed' lho: nheig boo ung: gyeung" nyid loo: ge'.

Ngoo jheddab da" byen, cang" yi we"- gye" no, khyo" ca: yu" da" noo shau" nyid uri khanham we' abue" yu" shi" da" gooki" lid' zi daja: bue" loo bye: ein: amau" nyid goo. Mau" nyid wa shid' re" gi Khristu kham: yu bye: da" kyi" khyeug shen" yhen da" khyoo: ri Yesu yo' dage" bo shau" kham' zoo: yoomo gau, yi ngei pyo: nyid ge'- houg: su" nghoid lang" she' Yesu gi myonhoo: yoeb, bang zeing yo' doem ju" gyoo" lo da' bidnyid moo nanu" gye" gau yi zi shau" boem wa nghoid.

Nanu" gi nheig yoo: nheig jhug akoid loo: za: nyang: cang" nyang:- being" did' go" nyid ge'.

Hougsu" nghoid nyid yoomo Mangsoo byid: to" ziyo' dakhyoo" ti"- sho" jhen: jam jau shau" mo, gi ge da" moo" ri zei: lho: nya: dang: thang" cab, ri zei pyeing byid: su: da" lo, moo nyangnu" da" kangso' ri ab, pyam ca.

Khristu gi nya: da" gung du: moo kyi" khyeug shen" yhen zi kham' bye: nghoid rigi nanu" we' Aseing: yhang: ti" kham' ca" boem wa nghoid- khasu" wim ga: ri gung du: moo kyi" khyeug kham' yu" bye: su: hang" we' yooboo yo' ci: asen: loo. Hougsu" nghoid yoomo akhid" mo he: mougmyid' moo nanu" kangso' dei nyid wa deing shi" da" bidnyid gu: moo byu yi da" myo, no, vhoo: bo da" khyoo:- jhu, phyo' khyoo: moo abo cang loo" looza

Nanu" gi Khristu da" thang: cang mo, bui' yoomo gei sang: shang pyang: zi shau" da" uri ngi lho, boem bye. Khasu" wim ga: ri houg: yhang: ti" thoung" shau" nyid da" uri Mangso venyi ein: da" myonhoo: phung" yoeb, yo' joeb byeung" da" venyi gi nanu' da" atho' moo ju" nyid bye: yoomo nghoid.