Popular Bible Verses from JOHAN 15

Share

Keimah cu sabit hri ka si ih nannih cu a hnge nan si. Zokhal ka sungah a um ih kei khal a sungih ka umcilh mi cun rah tampi a rah ding; ziangahtile keimah tel lo cun zianghman nan tuah theimi a um lo.

Keimah thawn pehzom uhla kei khal nanmah ka lo pehzom ve ding. sabit hnge cu amahte lawngin rah a rah thei dah lo; sabit hripi thawn a pehzom awk lawngah a rah thei a si. Cubangtuk in keimah thawn nan pehzom awk lo ahcun nan rah thei hrimhrim lo ding.

Keimah sungah nan um ih ka thu hi nan sungih a um ve ahcun nan duhmi pohpoh nan dil tikah nan ngah ding.

Nannih in in hril lo; keimah in ka lo hril hai ih kumkhua ih a hmunmi rah nan va rah theinak dingah ka lo fial a si. Ka hmin in Pa hnenih nan dilmi hmuahhmuah cu a lo pe ding.

Mi pakhat in a rualpi pawl hrangah duhdawtnak tum bik a neihmi cu an hrangih a nunnak pek hi a si.

Ka sungih rah a rah lomi hnge tla cu a tan ṭheh ih a rahmi hnge kha a thiannak dingah le rah tam sinsin a rahnak dingah a hnge ṭha lo pawl kha a tansak.

Ka thukham cu hihi a si: Keimah ih ka lo duhdawt vek hin nannih khal pakhat le pakhat duhdaw aw ve uh!

Rah tampi nan rahnak hin ka Pa ih sunlawinak nan langter ih cuti cun ka dungthluntu nan can theinak a si.

Jesuh in, “Keimah cu sabit hri ngaingai ka si ih ka Pa cu hmuan neitu a si.

Zokhal keimah sungih a um lomi cu sabit hnge an hlon ih a carmi bangtuk a si ding. Cubangtuk hnge pawl cu an khawm ih meisa sungah an hlon ih a kang ṭheh.

Ka lungawinak cu nan sungah a um ih nan lungawinak cu lungawi famkim a sinak dingah hi thu hi ka lo sim.

Ka Pa ih thukham ka thlun ih cuti cun amah ih duhdawtnak sungih ka um vekin ka thukham nan thlun a si ahcun ka duhdawtnak sungah nan um ve ding.

Cule ka thupekmi cu hihi a si: pakhat le pakhat duhdaw aw uh.

Leilung ih ta si uh cila leilung hin ka ta tiah a lo duhzet hai ding. Sikhalsehla leilung ihsin ka lo hril zo ih a ta nan si nawn lo; curuangah leilung in a lo huatnak cu a si.