Popular Bible Verses from JOHAN 14

Share

Nan hnenah hnangamnak ka lo tanta. Keimah ih hnangamnak ka lo pek a si. Leilung mi ih pek vekin ka lo pe a si lo. Donhar le vansaang in um hlah uh; nan thin khal phang hlah uh.

Jesuh in, “Keimah cu lamzin le thutak le nunnak ka si. Keimah hnenin siarlo zohman ka Pa hnenah an thleng thei lo.

Jesuh in a dungthluntu pawl hnenah, “Thinlung har le beidong in um hlah uh. Pathian zum uhla keimah khal i zum uh.

Ka hmin in ka Pa in a run thlah dingmi Bawmtu Thlarau Thianghlim in ziang hmuahhmuah a lo zirh ding ih ka lo sim ciami hmuahhmuah khal a lo cinkenter ding.

Zokhal ka thukham pawl a pom ih a thluntu cu i duhdawtu a si. Keimah i duhdawtu poh cu ka Pa in a duhdawt ding; keimah khal in ka duhdawt ding ih a hnenah ka lang ding,” tiah a ti.

Pa hnenah ka dil ding ih nan hnenih kumkhua a um dingmi Bawmtu dang a lo pe ding. Amah cu Pathian thutak a langtertu Thlarau a si. Leilung in Amah cu a hmu thei lo ih a theih thei fawn lo ruangah a pom thei lo. Sikhalsehla nannih cun nan thei, ziangahtile amah cu nan hnenah a um ih nan sungah a caam ding a si.

Cule ka Pa ih sunlawinak cu Fapa sung ihsin a langnak dingah ka hmin in nan dilmi hmuahhmuah cu ka lo tuahsak ding. Ka hmin in nan dilmi pohpoh cu ka tuah ding a si,” tiah a ti.

Jesuh in, “Keimah in duhdawt ahcun ka thukham pawl nan thlun ding.

Ka Pa ih inn ah innkhaan tampi a um ih nan hrangih umnak rem dingah ka feh ding. Cutiin si hlah sehla hiti in ka lo sim lo ding.

Cule ka feh ih nan umnak ka rem ngah hnuah ka ra sal ding ih ka hnenah ka lo hruai ding; cuticun ka umnak ah nan um ve ding.

Thomas in, “Bawipa, khuiah na feh ding ti kan thei lo; curuangah ziangtinso na fehnak lamzin cu kan theih ding?” tiah a sut.