Popular Bible Verses from Imigani 11

Share

Umunyabuntu azongererwa, umara abandi inyota azayimarwa.

Utanga atitangiriye itama arunguka, nyamara umunyabugugu yikururira ubukene.

Ubwirasi butuma umuntu asuzugurwa, kwicisha bugufi ni ko kugira ubwenge.

Iyo nta butegetsi buriho rubanda barahagwa, ugutsinda kwabo gukeshwa abajyanama benshi.

Ibikorwa by'intungane ni isōko y'ubugingo, umunyabwenge arangamirwa na rubanda.

Umuntu w'inzimuzi amena amabanga, naho umwizerwa ayabika ku mutima.

Ugira impuhwe aba yigirira neza, naho umunyamwaga yikururira amakuba.

Uwiringira ubukire azarimbuka, nyamara intungane zirasangamba.

Ubukungu bw'umuntu ntibuzamurokora ku Munsi w'uburakari bw'Uhoraho, nyamara ubutabera burinda umuntu urupfu.

Indakemwa zirangwa n'umurava, indyarya zo zizatsembwa n'ububi bwazo.

Uburanga bw'umugore utagira umutima ni impfabusa, bumeze nk'impeta y'izahabu ku bizuru by'ingurube.

Abibisha iminzani Uhoraho arabarwanya, abakoresha ibipimo bishyitse bo arabakunda.