Popular Bible Verses from 2 Amateka 20

Share

Yahaziyeli aravuga ati: “Nimutege amatwi Bayuda mwese, namwe baturage b'i Yeruzalemu n'Umwami Yozafati. Uhoraho aravuze ngo: ‘Mwitinya kandi mwikuka umutima kubera kiriya gitero kinini kuko atari mwe muzakirwanya, ahubwo ari Uhoraho.

Ntimuzigere mubarwanya, ahubwo muzashinge ibirindiro maze mwirebere uko Uhoraho azabaha gutsinda. Bayuda namwe baturage b'i Yeruzalemu, mwitinya kandi mwikwiheba! Ejo muzabatere, kandi Uhoraho azaba ari kumwe namwe.’ ”

Mana yacu, ese ntiwabaha igihano kibakwiriye? Dore nta mbaraga dufite zo guhangana na kiriya gitero kinini kiduteye, rwose twabuze uko tugira. Ahubwo ni wowe duhanze amaso.”

Amaze kujya inama na rubanda, Yozafati ashyiraho abaririmbyi baza kugenda imbere y'ingabo bambaye imyambaro yeguriwe Imana, bahimbaza Uhoraho bati: “Musingize Uhoraho kuko urukundo rwe ruhoraho iteka.”

Igihe bateruye indirimbo zo gusingiza, Uhoraho ateza umwiryane mu Bamoni n'Abamowabu n'Abedomu bari bateye Abayuda maze basubiranamo.

Nuko Yozafati ashya ubwoba yiyemeza kwambaza Uhoraho, ategeka n'Abayuda bose kwigomwa kurya.

‘Ibyago nibitugwirira, byaba kwicwa n'intambara cyangwa guhanwa, byaba kwicwa n'icyorezo cyangwa inzara, tuzaza imbere y'iyi Ngoro n'imbere yawe. Bityo tuzagutakambira turi mu kaga, utwumve maze udukize.’

Ejo muzamanuke mubatere dore barazamuka umusozi wa Zizi, muzabasanga aho ikibaya kirangiriye ahateganye n'ubutayu bwa Yeruweli.

Abayuda baza baturutse mu mijyi yose y'u Buyuda bakoranijwe no kwambaza Uhoraho, maze baramutakambira.