Popular Bible Verses from लूका 24

Share

थेमे था ङा ख्‍योकोनला ङे आबेकी तेरग्‍यो सिन साबाते परमेश्‍वर आत्‍मा तेरग्‍यो। स्‍वर्गनेकी परमेश्‍वर आत्‍मे शक्ति माङेतथुप ख्‍योकोन यरूशलेमदुकी खापाङ मोन्‍डोबा खाला दुरूराङ गुला देत,” सिन सिदुक।

थेनी सोम्‍बो लोक्‍पा ओत। थोगी थे दुरू मेत। थेकी गालीलदु ओत्‍जीन ख्‍योकोनला साबाते बात ठेम्‍बा खि।

थेजीनसाक थेबेकी थे येशू ईन सिन छ्या मास्‍येसीनोङ थेकी थोक खाईन स्‍योबेन च्‍याक्‍ला गोला तेरजीन थे येशू दुका सिन ङो स्‍येकीन थेला तासुङ। थेबेकी लेमु खाईन ता मातालाराङ थे थेरूराङ तोरसुङ। थोक ओङनामेई थेबा ङिबोकी “आनाङ ओङजीन परमेश्‍वर बातला टिबाते बात लोप्‍कान्‍तेनी प्रभु येशू थे खोरोङराङका ईन्‍दा दुका। थोगीराङ ङुरूङला आउदी आनन्‍द लाबा ओतान,” सिन सासुङ।

दोक खाला लाप्‍ला तेरजीन थेकी थेबाला “परमेश्‍वर बातला परमेश्‍वरगी तोङगो साबाते ख्रीष्‍टकी आउदी दुक्‍पा भोगे खाला स्‍या फाप्‍क्‍यो। तर स्‍याप्‍ते ङीमा सुमगी छोमु सोम्‍बो लोइओ सिन टिबा ओत। थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

थेरू लेप्‍नामेकी थेबेकी थे फुगी गोदु ज्‍याक्‍पाते दो थेन्‍दा ओता थोङसुङ। थेमे थेबाबरी फुगी नाङदुराङ स्‍यूला ताजीन थेरू प्रभु येशू रोङ मेतान।