Popular Bible Verses from लूका 19

Share

परमेश्‍वर ओत्‍सादुई वाबाते मि ङाचेन परमेश्‍वरताङ ठाल्‍गीन गालाते मिओनला थेत्ताङ डिक ज्‍युताला थेमे थेबाला पापदुकी डेलाला वाबाते ईन,” सिन सिदुक।

थेबा गाङेराङ “प्रभु परमेश्‍वरगी देमा ताङाते गेल्‍बो काल्‍बेईसाक सोन्‍स्‍यीत। थेते जय जय ओङस्‍यीत। स्‍वर्गदु देत्‍ला लेमु खित्‍कान्‍ते परमेश्‍वरते जय जय ओङस्‍यीत,” सिन छेरा खिताला स्‍यूसुङ।

थेमे येशूकी थेला “थरिङ परमेश्‍वरगी खोत्ताङ खुई खाम्‍बे मि गाङेला पापदुकी टाला ओत। मिओनगी जे सासीनोङ खोङ अब्राहाम सन्‍तानराङ ईन।

थे जेकीन देताते दोङबो खादु लेप्‍नामेकी येशूकी थे दोङबोने ताकीन “जखायस, खो साला फोप। ङा थरिङ खुई खाम्‍बादुराङ देत्‍क्‍यो,” सिन सिदुक। थेकी थोक सिराईताङ दोङबो लाक्‍तुकी फाप्‍कीन आउदी गा खिनकामा थेकी येशूला खाम्‍बापा टीकीन खेरसुङ।

थेमे प्रभु येशूताङ बात खिन खिनला लाकीन जखायसकी “लो प्रभु, था ङा ङाराङते ओताते जति सम्‍पत्ति बो ङि जोला बोज्‍यीकचेन दुक्‍पा ङेताते मिओनला गोला तेरग्‍यो। थेमे ङे ठगे खाबाते मिओनला ङाराङगी ठगे खाबाते लाक्‍तु दोबोर सुम थपे खाला तेरामीन,” सिन सिदुक।

थेमे थेबाताङराङ ख्‍याम्‍गीन ओताते कोई कोई फरिसी पाटी मिकीचेन येशूला “ए गुरू, थेबाला थोक सिर माज्‍युत, खाराक्‍पा देत सि,” सिन सासुङ। तर येशूकी “ङा थेबाला खाराक्‍पा देत मिसिरो। थेबा खाराक्‍पा देत्‍सीन थेबे साटोला देङला ओताते दोतेबेकीराङ छेरा खाला खाला दि बातओन सिओ,” सिन सिदुक।