Popular Bible Verses from लूका 13

Share

थेकी थोक सिरजीन येशूकी थेरू ओतातेबा गाङेला “परमेश्‍वर राज्‍यने स्‍यूक्‍च्‍येते गो टेक्‍टेज्‍यीक ओत। मि काल्‍बेईकी थेने स्‍यूक्‍पा चाल्‍सीनोङ गाङेराङ स्‍यूक्‍पा मुथुबो। थे टेक्‍टेते गोने स्‍यूक्‍पाला च्‍यि खिता फाप्‍च्‍या ईन्‍दाका ख्‍योकोनगी थे छ्य्‌वापाकामा स्‍येत खि।

थेरू लो च्‍याप्‍केत गोमामेई ल्‍हन्‍डीककी दुक्‍पा बिन्‍गीन नाबाते फेम्‍मे मिज्‍यीगोङ ओतान। थेते जीउराङ खुङ खुइन कुकुरोक गाला ओतेकी ठाङे खाला लाङाङ थुप्‍कीन मेतान। थेला थोङगीन येशूकी “ए आज्‍यी, खो देपा स्‍योक,” सिन काताङगीन “थरिङमेई खो ठाक्‍सुङ,” सिनकामा

लाक्‍पा ङिकाराङ थे लाक ज्‍याक्‍सुङ। थोक खिताईताङ थे फेम्‍मे मि दाक ठाइन सोझो खाईन लाङा थुप्‍सुङ। थेमे थेकी परमेश्‍वरगी ङाला चुक लेमु खासुङा सिन परमेश्‍वरते जय जय खासुङ।

थेमे थरिङोला ज्‍येनगी दिङ सु ईन्‍देरो सिराच्‍योक ठाने खाबाते मिओन तिरी छ्ये ओङगो। थरिङोला छ्ये ओतातेबाचेन थेजीन छ्ये मेङगो,” सिन सिदुक।

परमेश्‍वर राज्‍यचेन खाम्‍बा च्‍योकराङ ईन। ङीमाई थे खाम्‍बे धनीकी खाम्‍बे गो डेप च्‍येत्‍क्‍यो। गो च्‍येत्‍नामेई च्‍यि ओङगीते छ्या ओत? ख्‍योकोनचेन फिनामा देत्‍ला ‘ए हजूर, गो फेतना, ङ्योकोनोङ ओङामीन,’ सिन छेरा खिओ। ख्‍योकोनगी थोक खित्‍जीन खाम्‍बे धनीकीचेन नाङनेकी ‘ख्‍योकोन सु ईन्‍दे, खापेकी वाबाते ईन्‍दे सिन ङाला छ्या मेत। थोगी ङे च्‍यिला गो बेत्‍च्‍ये?’ सिन सिओ।

थोगोङ मेन। थोगी ङा लोक्‍लाङ ख्‍योकोनला खेराङ पापी दुका सिन छ्या स्‍येला परमेश्‍वर छ्य्‌वापा लै खि सिन सिओ। थोक माक्‍यासीन ख्‍योकोनोङ होथोकराङ खाला काल माछाङालाराङ स्‍यिइओ,” सिन सिदुक।

ख्‍योकोनगी थोक सिरजीनोङ थे खाम्‍बे धनीकीचेन ‘ख्‍योकोननी परमेश्‍वरगी खि साबाते मेङेन्‍कान्‍ते मि ईन। ख्‍योकोन ङे मि मेन। दुरू मादेत, दुरूकी ग्‍युक,’ सिन सिओ।

थेमे येशूकी मिओनला “परमेश्‍वर राज्‍य चुक खाला जोदा डुइते सिन ङा ख्‍योकोनला सिरामीन। थे राज्‍य जोदा डोच्‍येतेचेन दि बात च्‍योकराङ ईन। च्‍यि सासीन सुइँदा मिकी थे खोरोङ स्‍यीङदु तोरी सोन देप्‍क्‍यो। दि तोरी सोन च्‍योक स्‍यीम्‍मी ज्‍येन छ्याःङगीङ सोन मेत्‍सीनोङ दि केनामेई छारला दोङबो छेतराङ डुइओ। दि झाङलाचेन छ्योज्‍युङमेकी छाङोङ ज्‍वा थुप्‍क्‍यो,” सिन सिदुक।