Popular Bible Verses from मर्कुस 6

Share

इसु एम्‍बालाइहेङ दोअ्‌हि, “नेलाइ ताइमि बुङ कादोफा हासुमान्‍थुका थामेता लोसु रो एघुरिङ माइसा चासु।” हाइपानु इन्‍ता लोकाहानेकालाइ हेन्‍जा हिघाखे रो ओबालाइहेङ चालिथिकापा बुङ फुरसद मान्‍थुघाहि।

कालाउ इसु एम्‍बालाइहेङ दोअ्‌हि, “आगाधुइकाको चारपाहाङ मान जेङखे, कालाउ बुङ ताइको देरा साअ्‌को इद्‍याङगेलाइ खिनिङ बास्‍ताङ मापाखे।”

जेलाउ इसु काम्‍बेता नाउसो खुअ्‌हि रो इन्‍ता हेन्‍जा द्‍याङगेलाइ जोम्‍तेङ हिका तिङतेङ वा एम्‍बालाइहेङ रेम्‍फा खाङहि। हाइपानु एम्‍बालाइ घोकालाइ मान्‍थुका भेरागेलाइभाइका हिघाखे। कालाउ वा एम्‍बालाइहेङ हेन्‍जा काथा धिरपालि तेङहि।

इङकोभाअ्‌सिङ इसु इन्‍ता आधे माअ्‌साअ्‌धेकालाइता ताइको खुर ताअ्‌तेङ एम्‍बालाइहेङ एल्‍पाका बिना बो हिदिङ सरबङ हिका काम पालि मादोहि। एम्‍बालाइको अखान्‍धुर तिङतेङ वा भारभुसाइहि। कालाउ वा देरादेराता बिद्‍या पिकाताङ हानेहि।

इसु इङको ना लोङ तोले रो न्‍हे लोङ हाया र्‍हुतेङ सादेलभारि खान्‍तेङ च्‍याबास पिहि रो इङको तोलेगेलाइ पेङतेङ चात्‍यागेलाइहेङ बाख्राइलि लागाइहि। एन्‍साङ पातेङ वा इङको न्‍हे लोङ हाया बुङ बाख्राइपिहि। कालाउ झाराङ घाइपा चाहि। चात्‍यागेलाइ चातेङ दाइका तोले रो हायाको टुकरा जोम्‍पालाउ तेन्‍हे डालो पोङघाहि।