Popular Bible Verses from युहन्‍ना 13

Share

एलोङ नावा हुकुम का नेलाइहेङ प्‍याङकाः नेलाइ एमि भेनेङहेङ इन्‍ताना पासु। नेलाइहेङ का जेसापा इन्‍ताना पाका हिघा, नेलाइ बुङ एमि भेनेङहेङ एन्‍साङ इन्‍ताना पासु। एदि नेलाइ एमि भेनेङहेङ इन्‍ताना पासुन्‍हा पानु, इदोइसोङ झाराङ ग्‍यावा, नेलाइ काङको चात्‍या एइ।”

एदि नेलाइको प्रभु रो मास्‍टर जेङतेङ का नेलाइको खोकोइ झाका हिघा पानु नेलाइ बुङ एमि भेनेङको खोकोइ झापिसु। हाइपानु का नेलाइहेङ एलोङ नामुना तिङपातेङ जेसापा का नेलाइको भाअ्‌सिङ पाघा, नेलाइ बुङ एन्‍साङ पासु।

इसु पत्‍रुसहेङ दोअ्‌हि, “का हाइ पादोङखा ना माग्‍याना, कुलाउ न्‍हुअ्‌सो ग्‍याना।”

जातिङको का नेलाइहेङ दोअ्‌खा, कामत्‍या ताइको गिर्‍हिखान्‍तेङ बाराका माजेङखे, कालाउ बानाल चुम्‍पुका बानाल पिगिल्‍काखान्‍तेङ बाराका माजेङखे।

एदि नेलाइ इदोइ काथा गेसुन्‍हा रो इङको पासुन्‍हा पानु, नेलाइ सहसाम्‍पा जेङस्‍वाना।

कालाउ वा चाकासो ल्‍होहि रो गुअ्‌का धाबा एपाहा ताअ्‌तेङ एलोङ चेउताइ ताइको केङखेनेता तेअ्‌हि। कोलाउ वा भान्‍दाता चि हुहि, चात्‍यागेलाइको खोकोइ झातेङ चेउताइहोइ एम्‍बालाइको खोकोइ योअ्‌पिलि तेङहि।