Popular Bible Verses from Mark 2

Share

O Jisus a yoki yâ, ka Mâ‐a vâ na bâ, na, Ba di mepeha, ba vahaka nganga; ndi kabo ba běkě: Mbu vaka ka ndiya bato bayamu, ndi kabo babe na, ba luwake melema.

O Jisus a yěněkidi ikamide jabu, ka Mâ‐a vâ na ubědi mua nyolo limbelimbe, na, Mwana o, mabe mâvě ma ’yidwěnd‘ âvě.

Ka Mâ‐a vâ na bâ, na, Iyâjâ i velakudwi moto, ndi hanga na moto nda velakudwě Iyâjâ.

O bâ‐ba diyakidi ba diye na ngudi e pakiyě o Mâ‐a jadi ’kabojana ebimba, ka bâ‐ba bumudě unyuwa o ndabo ’aju e diyakidi; o bâ‐ba diyaki mâ bumuděngo, ka bâ‐ba hubě ikondo ja ubědi mua nyolo limbelimbe i diyakidi.

Nd‘ ovaně nd‘ inyěni o ka yowěni, na, Mwana moto a na ngudi e ’yakidě mabe o he (ka Mâ‐â vâ na ubědi mua nyolo limbelimbe, na), Mbi vwi na nâvě, na, Umwaka, nângâkâ ikondo jâvě, na nâvě wa vala o ndabo ’âvě.

Nana e ndi bobâbu na vâ na ubědi mua nyolo limbelimbe, na, Mabe mâvě ma ’yakudw‘ âvě, na ba o vâ, na, Umwaka, na nâvě wa nângâ ikondo jâvě, na nâvě wa tamuwa?

Elěngiaha, tepě ka mâ‐a ’muwa, ka mâ‐a nângâ ikondo jaju, ka mâ‐a vala o boho boabu boa běhěpi; jâ ndi jabu ja běhěpi ja mama, ba ka bendakě Anyambě, na, Ho ha yěnete yâ kakana.