Popular Bible Verses from Luk 8

Share

Ndi ba mahe mayamu, ndi ba běki ndaga yokango n‘ ulema uyamu mua batango, bâ jâ tatango, ba ka yěkěměkě bebuma n‘ iyika.

I kwakidi o mekanda, ndi ba běkě yokango, ba ’la; na inaka na hika na upeyo mua eměnâ těkae be haki bâ kâlu, ba yěkěmě bebuma bea hânjâbiyěngo.

Ba ilale, ndi ba běkě yokango, ba pahiya ndaga na mbya; ba diye na metamba, ba kamakiděte ulingo uhâlě, o ’gombe e‘ iyějudwě ba kwa.

Ka Mâ‐a vâ na bâ, na, Ikamidě janyu i l’ âve? Ba bangakindi ba ka mamaka, ba ka kalaka bâ mětě na bâ mětě, na, I lě nja jângâ ě ja moto ekadi! ’kabojana A sombiyakěte, tombete mepupě na miba, na beâ bea yokiyate Mâ.

Ba pěpěke ea njea, ndi ba yokakě; vâkâna děvil e vakandi, na eâ‐ea věngidě ndaga o melema meabu, na banga ba kamidě na bâ‐ba yonga.

Ikabojana o ’bě na ’lombo e didi ikutakuta, e ka diyě e pumiye; tombete e didi ihâwě, e ka diyě e yowaně na eâ‐ea hamana.

O mwajo a yěnidi na a ibě o kutama, ka Mâ‐a viya a likimaka, ka mâ‐a kwa o beko beaju, ka mâ‐a pakuwa tin‘ ’aju e ma kupaně Mâ o boho boa bato běhěpi, na nyang‘ ’aju e yongakidi o njo pâkâ. Ka Mâ‐a vâ na ju, na, Mwa mwajo, yěněkě mbya: ikamidě jâvě i yongiděnd‘ âvě; kěkě na jonga.

Ka bâ‐ba viya o Mâ‐a jadi, ka bâ‐ba ’mudě Mâ, na, Paia o, Paia o, ho jelindi. Ka Mâ‐a umuwa, ka Mâ‐a kandidě upupě na miba ma diyakidi ma bumbaka: ka beâ bea vâtâ, ka omě wa kwa uděmbě.