Popular Bible Verses from Luk 6

Share

Věkěni, vâkâna o věwudwěndini; eyějâ eyamu, e bandakwě, na e ninganakwě, na eâ e hovakiya, ndi eabu e ka věyě o ngonga janyu. Ikabojana eyějâ eanyu e yějěněkě eâ tepě eanyu e ka yějěnwě.

Mot‘ uyamu o ngumba eyam‘ e‘ ulema muaju a pumakěndi belombo beyamu; na mot‘ ube o ngumba ebe e‘ ulema muaju a pumakěndi belombo bebe: ’kabojana o bwinge bo‘ ulema ndi bo‘ udumbu muaju u kalakě.

Ndi tândâkâni ndoba janyu, nyěvěněkiyěni, věněkěni, o pitidě pě ni elombo; vâkâna mahomano manyu ma ka kenandi, n‘ inyěni o ka diyandini bana ba Ua Oba: ’kabojana A ndi kěngâ na bato babe na bâ‐ba ha věkě Mâ akeva.

Diyakani tepě na ngěbě, ka Hângw‘ ’anyu A di na ngěbě.

O yěkěněkiděni, vâkâna oa yěkudweni: o kwehanakěni, vâkâna oa kwehwěni: iyanakiděni, vâkâna o ’yidwěndini.

Ndi Mbi vâki n‘ inyěni ba yokake’, na, Tândâkâni baloni banyu, hakani ba binak‘ inyěni bwamu. Vambakiyani ba hâkâkě inyěni ibâtâ, n‘ inyěni o ka kalakiyani o pělě ’a ba ngongolakid‘ inyěni.

K‘ inyěni o ka vahě bato ba hak‘ inyěni, haka tepě bâ ni nyanga tě.

Na a ka bweye âvě ibuku jâkâ věkě mâ ipakwě; a ka patuwě koto ’avě o kandakidě tepě mâ inângâ ja ngâi ’âvě. Věkě a jombakě âvě uěhěpi; a ka patuwě belombo beâvě o uwake pě beâ.

Ikabojana ele eyam‘ ea lângâkâ bebuma bebe; na ele ebe ’a lângâkâ bebuma beyamu.

Ikabojana ele eěhěpi e yowanakěndi na bebuma beaju mětě. Ikabojana bato ba pataka fig o mbângě, na bâ‐ba pataka ivě o bombela.