Popular Bible Verses from Luk 17

Share

Ka Mâa vâ na ju, na, Těměkě, kěkě pělě na eâvě: ikamidě jâvě i hunginind‘ âvě.

Nd‘ oningě a beviya ’vě njo hěmbwědi o buhwa, na mâ‐a timba těpě o âvě‐o jadi njo hěmbwědi o buhwa, na, Mbi ’luwendi; na nâvě oa ’yidě mâ.

Umbâka, o mâ‐a yěněkidi na a yongindi, ka mâ‐a timba, a ka bendakě Anyambě na joyi oba. Ka mâ‐a kwa na boho boaju o beko beaju, a ka věkě Mâ akeva: na mâ‐a diyakindi ua Sameria.

Bandamakiděni inyi mětě n‘ inyi mětě: Oningě mwana nyângwě a beviya âvě, kandakidě mâ; oningě a ’luwa, iyakidě mâ.

Ka Jisus a yavwana ka Mâ‐a vâ, na Bu yongakwě jomu? ndi ibuwa ja bě l‘ ove?

K‘ Upangiyi a vâ, na, O jakani n‘ ikamidě ka utonga mua ’buma ea mustard, te o t‘ o vâkâni na ele tě ea sikamain ekae, na, Pumbwanakiya na metamba, oa ’la ka liyaniya o manga; na eâ‐e ka yokiyate inyěni.

Uěhěpi a ka vahě a yongě emenâ ’aju a ka nyangi eâ; na uěhěpi a ka nyangě emenâ ’aju te a ka tatě eâ.

Jâ ndi jaju ja vâ na beyokwedi beaju, na, ibaku ikâbânâkidě ja diye i pâyě ndi maguga na a ka pâdě jâ! E ndi bwam‘ wa na ju n‘ ilale i kâkânâkwě i tingakwě mâ o ibâlu jaju, na mâ‐a uhwě o manga, nana a kâbâkidě umbâkâ o bahâlě ekaba.

Bwěsě ka eâ e diyakidi o hwi ja Noa, nonaně tepě ka eâ e ka diyě o hwi ja Mwana moto. Ba jaka, ba mâtâkâ, ba baka, ba věněkě o maba, kwanga nala buhwa boa Noa bo ngakiyedi o Ak, boa tonda bo pâkidi, na jilidě bâ běhěpi.