Popular Bible Verses from Luk 12

Share

Diyaka tepěni kokěngo: ’kabojana Mwana moto a vakandi iwěla janyu i ha pikilakiyani.

Ndi vahakani o bohoboho ipangiya ja Anyambě; vâkâna belombo těkabe beěhěpi be ka badudwěndi inyěni.

Ka Mâ‐a vâ na bâ, na, Kelevakani, n‘ inyěni o ka bandamakiděni itângina: ’kabojana eměnâ ea moto e ’bě o belombo beitě ibeaju be pigakě.

Ikabojana o hik‘ ’anyu e jadi, te ulema muanyu u ka diya tepě.

Nj‘ a didi inyěni o jadi a didi a badaka ekulu bwaba ka hamba ’nâ o utě muaju na bonakaka?

Ka Mâ‐a vâ na beyokwedi beaju, na, Ovaně nd‘ Umba‐mbi vâkě n‘ inyěni, na, O nakakeni eměnâ ’anyu sasě, ibeanyu be ka jě; tombe na bea nyolo janyu, n‘ ibeanyu be ka bâtě.

Ndi na howe janyu ja molo jěhěpi i nd‘ o tango. O bangakeni: o kebakěndini těmbělembě iitě.

Mwanga uhâlě, o bangakeni; ’kabojana Hângw‘ ’anyu a tândângo o vě inyěni ipangiya.

Hilakěteni byungu, ’kabojana bea liyaka na beâ bea benjaka; be ’bě na kundu na ndabo; nd‘ Anyambě a jakiděte beâ: o ’běni bwamu wa na lonâni?

O vahakeni eanyu e ka jě, tombe eanyu e ka mâtě, o diyake tepě ni na melema mea penda.

Ndi pě lě Anyambě a bâtidě lě behavu, be jadi o buhwa o ’hiki, vakě bea bě o diyâ; a bâtidě inyěni wa? O ndini n‘ ikamidě ihâlě.

Ikabojana o ’bě na ’lombo e di vihamango, e ka měndě e saliye; tombe kutamango, e ka měndě e yowaně.