Popular Bible Verses from ဟေရှာယ 59

Share

သင်​တို့ ဒု​စ​ရိုက်​သည် သင်​တို့​ကို ဘု​ရား​သ​ခင်​နှင့် ကွာ​စေ​ပြီ။ ကြား​တော်​မ​မူ​စေ​ခြင်း​ငှာ၊ သင်​တို့​အ​ပြစ်​သည် မျက်​နှာ​တော်​ကို လွှဲ​စေ​ပြီ။

ကြည့်​ရှု​လော့။ ထာ​ဝ​ရ​ဘု​ရား​သည် မ​ကယ်​မ​တင်​နိုင်​အောင် လက်​တော်​တို​သည်​မ​ဟုတ်။ မ​ကြား​နိုင်​အောင် နား​တော်​ထိုင်း​သည် မ​ဟုတ်။

သူ​တို့၌ ငါ​ကိုယ်​တိုင်​ပေး​သော ပ​ဋိ​ညာဉ်​တ​ရား​ဟူ​မူ​ကား၊ သင်၏​အ​ပေါ်​မှာ ကျိန်း​ဝပ်​သော ငါ၏​ဝိ​ညာဉ်​နှင့် သင်၏​နှုတ်၌ ငါ​ထား​သော​စ​ကား​သည်၊ ယ​ခု​မှ​စ၍ ကာ​လ​အ​စဉ်​အ​ဆက် သင်၏​နှုတ်၊ သင့်​အ​မျိုး​အ​နွယ်၏​နှုတ်​နှင့်၊ သင့်​အ​မျိုး​အ​နွယ်၏ အ​မျိုး​အ​နွယ်၏​နှုတ်​ထဲ​က မ​ထွက်​မ​ပျောက်​ရ​ဟု ထာ​ဝ​ရ​ဘု​ရား​မိန့်​တော်​မူ​၏။

သို့​ဖြစ်၍၊ အ​နောက်​မျက်​နှာ​သား​တို့​နှင့်၊ နေ​ထွက်​ရာ​အ​ရပ်​သား​တို့​သည် ထာ​ဝ​ရ​ဘု​ရား၏​နာ​မ​တော်​နှင့် ဘုန်း​တော်​ကို ရို​သေ​ကြ​လိမ့်​မည်။ ရန်​သူ​သည် ရေ​လွှမ်း​မိုး​သ​ကဲ့​သို့​ဝင်​သော​အ​ခါ၊ ထာ​ဝ​ရ​ဘု​ရား၏​ဝိ​ညာဉ်​တော်​သည် ဆီး​တား​တော်​မူ​မည်။

ထာ​ဝ​ရ​ဘု​ရား​မိန့်​တော်​မူ​သည်​ကား၊ ရွေး​နုတ်​သော​သ​ခင်​သည် ဇိ​အုန်​တောင်​ပေါ်​သို့ ကြွ၍၊ မ​တ​ရား​သော​အ​မှု​မှ လွှဲ​သော ယာ​ကုပ်​အ​မျိုး​သား​တို့​ရှိ​ရာ​သို့ ရောက်​လ​တ္တံ့။