Popular Bible Verses from Marika 7

Share

Ni sa curu yani mai loma, mai na yalodra na tamata, na nanuma ca, na dauyalewa, na daudara, na daulaba, na daubutako, na daukocokoco, nai valavala ca, na dauveivakaisini, na daugarogaro, na mata ca, na vosa vakacaoa, na qaciqacia, na lialia: a ka ca kecega o qo sa curu yani mai loma, a sa vakadukadukalitaka na tamata.

Sa sega na ka e taudaku ni tamata, ni sa curuma sa vakadukadukalitaka rawa; ia na veika sa curu yani mai vua, o qori ga sa vakadukadukalitaka na tamata.

A sa vosa ko koya, ka kaya vei ira, Sa tukuni kemudou vinaka eliu ko Isaia, koi kemudou na dauveivakaisini, me vaka sa volai, O ira na tamata o qo, era sa vakarokorokotaki au e na belenigusudra, ia na yalodra sa yawa tani vei au

a sa sega ni yaga na nodra masuti au, ni ra sa vakatavuvulitaka na vunau ni tamata mei vakavuvuli.

Ni dou sa biuta tani na vunau ni Kalou, ka vakabauta nai vakavuvuli ni tamata, na sava na veibilo i vakarau, kei na veibilo ni gunu; a sa vuqa tale na ka tani sa vakakina dou sa cakava.