Popular Bible Verses from Marika 14

Share

A sa kaya, Apa, Tamaqu, sa rawarawa vei iko na ka kecega; kauta tani vei au na bilo o qo; ia me kakua ga ni vaka na noqu veitalia, me vaka ga na nomu.

Dou vakatawa ka masu, me kakua ni rawai kemudou na vere: e dina ya ni sa gu na yalo, ia na yago sa malumalumu.

Au sa kaya vakaidina vei kemudou, E na veiyasana kecega e vuravura taucoko ena vunautaki kina nai tukutuku-vinaka o qo, ena bau tukuni talega kina na ka sa kitaka na yalewa o qo, me kenai divi.

A sa kaya vei iratou ko koya, Sa rarawa vakalevu na yaloqu, me vaka na mate; dou tiko ga eke, ka vakatawa.

Ia ni ratou sa kana tiko, sa taura na madrai ko Jisu, ka vatonaka, ka dovia, ka solia vei iratou, ka kaya, Taura, kania: o qo na yagoqu.

Sa qai taura na bilo ko koya, ia ni sa vakavinavinaka oti, sa solia vei iratou; a ratou sa gunu kece kina. A sa kaya vei iratou, Sa noqu dra o qo ni veiyalayalati vou, a ya sa sova e na vukudra e lewe vuqa.

A sa kaya vei iratou ko Jisu, Dou na tarabe kecega e na vukuqu e na bogi edaidai; ni sa volai, Au na yavita nai vakatawa ni sipi, ka ra na dui vakasesei na qele ni sipi.

tu cake, me datou lako; raica, sa voleka mai ko koya sa soli au yani.

A sa kaya vua ko Jisu, Au sa kaya vakaidina vei iko, E na siga o qo, e na bogi ga edaidai, ni sa sega ni tagi mada vakarua na toa, o na cakitaki au vakatolu.