Popular Bible Verses from Ai Vola I Isaia, na Parofita 65

Share

Ia ena yaco ni sa bera na nodra kaci mai, kaʼu na rogo yani; ni ra sa vosa tiko, kaʼu na rogoca.

Raica, kaʼu sa cakava na lomalagi vou kei na vuravura vou; ia ena sega ni nanumi na ka eliu, ena sega ni cabe tale ki na lomamudou.

Era na sega ni oca walega, so vakasucu me taqaya; ni ra sa nodra kawa era sa vakalougatataki maivei Jiova, o ira kei na luvedra.

era na sega ni tara, ka tikora e dua tani, era na sega ni tea, ka kania e dua tani: ni na vaka na siga ni kau na nodra siga na noqu tamata, ia na cakacaka ni ligadra ena madra ka ra kaukauwa tikoga kaʼu sa digitaka.

Ena sega ni kauti tani tale maikea e dua na gone sa vica ga na siga ni nona bula, se dua na qase sa sega ni taucoko sara na siga ni nona bula: ni na sa gone ga ena sa mate ka dua na drau na nona yabaki; ia na tamatai valavala ca sa dua na drau na nona yabaki ena ka veivakarusai.

A wolifa kei na lami, erau na kana vata; a laioni, me vaka na karavau, erau na kania na co ni sila; ia na gata, na kuvu-ni-soso ena sa kena kakana. Era na sega ni ia na veivakacacani se na veivakarusai e na noqu ulu-ni-vanua tabu kecega, sa kaya ko Jiova.

Ia kaʼu na marautaki Jerusalemi, ka rekitaki ira na noqu tamata; ena sega ni rogoci tale e lomana na domo ni tagi, se na domo ni qoqolou.