Popular Bible Verses from Ai Vola I Isaia, na Parofita 51

Share

Oi au, io koi au, kaʼu sa vakacegui kemudou: o cei ko iko, mo rerevaka na tamata ena mate, kei na luve ni tamata ena cakavi me co

Ia kaʼu sa tauca na noqu vosa ki na gusumu, e na yaloyalo ni ligaqu kaʼu sa ubi iko, mo tea na lomalagi, ka tauyavutaki vuravura, ka kaya ki Saioni, Oi kemudou na noqu mataqali.

Dou vakarorogo vei au, oi kemudou sa kila na yalododonu, na tamata sa tiko e lomamudou na noqu vunau; kakua ni dou rerevaka na nodra vosa ca na tamata, ia ni ra ia na veivakalialiai, kakua ni dou yalolailai kina.

Ni na vakacegui Saioni ko Jiova; ena vakaceguya na nona veiyasana lala; ena cakava na nona talasiga me tautauvata kei Iteni, kei na nona veikau me tautauvata kei na were i Jiova: ena kune mai kina na reki kei na marau, na vakavinavinaka kei na domo ni meke.

Ia ko ira sa vakabula ko Jiova era na lesu mai, ka tadu mai ki Saioni ka meke tu, ia na reki tawa mudu ena tauca na uludra: ena vauci ira mai na reki kei na marau, ia na rarawa kei na tagi ena dro tani yani.